Pandemia e koronavirusit, me mbi 16 milionë të infektuar në gjithë botën, është emergjenca më e rëndë globale shëndetësore, që ka shpallur ndonjëherë OBSH-ja.
Kështu deklaroi Drejtori i përgjithshëm i Organizatës Botërore të Shëndetësisë, Tedros Adhanom Ghebreyesus, në një dalje për median nga Gjeneva.
Vetëm me respektimin e rreptë të masave të rekomanduara, nga mbajtja e maskave deri në shmangien e turmave, bota do të mund ta mposhtë atë, shtoi Tedros.
“Kur ndiqen këto masa, rastet e reja të të infektuarve ulen. Aty ku nuk zbatohen, rastet rriten”, tha ai, duke lavdëruar Kanadanë, Kinën, Gjermaninë dhe Korenë e Jugut për kontrollin e shpërthimeve.
Lexoni: 30.000 vullnetarë, nis prova e fundit e vaksinës Covid-19
“Ne duhet të shtypim transmetimin, por në të njëjtën kohë duhet të identifikojmë grupet e cënueshme dhe të shpëtojmë jetë, duke mbajtur nivelet e vdekjeve nëse është e mundur në zero, nëse jo në minimum,” tha ai, duke përgëzuar Japoninë dhe Australinë në këtë drejtim.
Kreu i OBSH-së tha se do të mbledhë këtë javë komitetin e urgjencës së OBSH-së për të vlerësuar pandeminë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
