Observatori i parë i Kosovës, përmes donacioneve!

Observatori i parë i Kosovës, përmes donacioneve!



Bordi drejtues i organizatës “Përfaqësimi i Astronomisë së Kosovës” ka krijuar një fushatë donacionesh nëpërmjet faqes “GoFundMe”, ku kërkon mbështetjen e njerëzve, si e vetmja mundësi, për të ndërtuar Observatorin e parë planetar në Kosovë.

Sipas organizatës, kjo nismë vjen si pasojë e mungesës së fondeve nga qeveria kosovare. “Edhe pse morëm autorizimin e Parlamentit të Kosovës vitin e kaluar për Observatorin, fondet nuk u liruan kurrë, pavarësisht protestave dhe kërkesave tona të shumta”, janë shprehur ata.

Sipas kësaj organizate, ndërtimi i Observatorit do t’u japë Kosovës dhe të rinjve të vendit një mundësi, për të nxjerrë breza më të edukuar në shkencë, por edhe në disiplina të tjera.

“E ardhmja e Kosovës mbështetet te gjenerata e ardhshme që rritet dhe po konkurron teknologjikisht midis vendeve tona fqinje. Shkenca, Teknologjia, Inxhinieria dhe Matematika (STEM) do të luajnë një rol kryesor në Kosovë për të ecur përpara”, thanë ata.

Observatori do të jetë i ngjashëm me atë të vendeve më të zhvilluara dhe do të jetë një investim, që në periudhën afatgjatë, do t’i japë Kosovës oportunitete në rritjen ekonomike. “Ky objekt do të jetë i ngjashëm me ato në Shtetet e Bashkuara, Kanada, Australi dhe Evropë që kanë frymëzuar rininë e tyre dhe në mënyrë të ngjashme do të frymëzojë kosovarët që të ndjekin grada të përparuara në shkencë. AOK beson, se një strukturë e tillë është thelbësore, për një afat të gjatë, për rritjen ekonomike dhe të ardhmen e Kosovës. AOK është e angazhuar për krijimin dhe funksionimin e një strukture të tillë, për të mirën e të gjithë njerëzve në Kosovë”.

Organizata shprehet se nevojiten edhe 230 mijë dollarë të tjera për të mbuluar shpenzimet e ndërtimit, ndërsa toka e ndërtimit dhe infrastruktura të tjera teknologjike janë gjetur tashmë.

 

Gofundme

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0