Jo të gjithë kanë një investitor engjëll në kontaktet e tyre. Por nuk ke nevojë për një, nëse di nga t’ia nisësh vetë.
Ndërsa të gjithë flasin për startup-et që marrin miliona nga investitorë, e vërteta është që shumica e sipërmarrësve fillojnë nga zero, me kursime personale, kredi të vogla ose, gjithnjë e më shumë, me “side hustles” të zgjuara që sjellin para dhe përgatitje për botën e biznesit.
Lexo gjithashtu: Lidershipi fillon në pistë, çfarë na mëson sporti për sipërmarrjen e suksesshme
Le të hedhim një sy në pesë mënyrat më të zgjuara për të fituar të ardhura shtesë dhe për të mësuar aftësi të vlefshme, nëse po përgatitesh të ngresh startup-in tënd.
Dropshipping, dyqani online pa nevojën e magazines
Është e lirë për të filluar, fleksibël për oraret dhe të mëson direkt se çfarë kërkon konsumatori. Ti vendos produktet në një faqe online, por një furnitor i tretë merret me prodhimin dhe dërgimin. Mëson për marketing, mbështetjen ndaj klientit dhe si të balancosh ofertën, një mini-univers për çdo aspirant biznesi.
Shofer i platformave të transportit, me të ardhura të menjëhershme
Të lejojnë të punosh kur të duash, të fitosh dhe të jesh në kontakt të vazhdueshëm me njerëz. Mund t’i shohësh si klientë potencialë, si mini-fokus grupe, dhe si mundësi për të ushtruar aftësitë komunikuese.
Lexo gjithashtu: Një aplikacion që mund të organizosh evente sportive? Po, quhet “Sportisti AL”!
Mësues privat
Nëse je i/e aftë në matematikë, anglisht apo një aftësi të veçantë, faqet si Wyzant të lejojnë të japësh mësim online. Fitimet mund të shkojnë deri në 50,000$ në vit. Përveçse paguajë, të mësojnë të shpjegosh qartë, një aftësi thelbësore kur t’ju vijë radha të prezantoni startup-in para investitorëve.
Konsulent, shndërro ekspertizën në klientë
Ke aftësi në marketing, dizajn apo HR? Shumë kompani të vogla kanë nevojë për ndihmën tënde. Fillimi është i vështirë, por me kohë krijon rrjet, fiton para dhe përmirëson pitch-in tend, gjithçka që të duhet për një fillim të fuqishëm si sipërmarrës.
Mikpritës në platforma me qira afatshkurtër
Ke një dhomë të lirë? Jepi me qira në Airbnb ose Vrbo. Mund të fitosh qindra dollarë për çdo prenotim. Përveç fitimit, mëson rreth marketingut kreativ, për shembull, targeto mjekët që udhëtojnë, jo vetëm turistët. Aftësi të tilla të vlejnë shumë kur të nisësh biznesin tënd.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
