Zhvendosja globale nga lehtësimi i kushteve financiare është gati të përshpejtohet pasi një shpërthim gjatë pandemisë i blerjes së obligacioneve nga bankat qendrore po kthehet në trajektoren e kundërt, duke kërcënuar një tjetër tronditje për ekonomitë dhe tregjet financiare të botës.
Bloomberg Economics vlerëson se Bankat Qëndrore në grupin e shtatë vendeve do t’i zvogëlojnë bilancet e tyre me rreth 410 miliardë dollarë në pjesën e mbetur të vitit 2022. Është një kthesë e fortë nga viti i kaluar, kur ata shtuan 2.8 trilionë dollarë – duke e çuar zgjerimin total në më shumë se 8 trilionë dollarë që nga mbërritja e Covid-19.
Kjo valë e mbështetjes monetare ndihmoi në mbështetjen e ekonomive dhe çmimeve të aseteve përmes krizës së shkaktuar nga pandemia. Bankat qendrore po e tërheqin këtë mbështetje – me vonesë, sipas disa kritikëve – ndërsa inflacioni rritet në nivelet më të larta të disa dekadave.
Lexo edhe: Çmime të larta dhe rritje e dobët ekonomike. Europa goditet nga lufta dhe pandemia
Ndikimi i dyfishtë i tkurrjes së bilanceve dhe normave më të larta të interesit shtohet në një sfidë të paprecedentë për një ekonomi globale tashmë të goditur nga pushtimi i Rusisë në Ukrainë dhe bllokimet e reja të Kinës prej Covid.
Ndryshe nga ciklet e mëparshme shtrënguese kur Rezerva Federale e SHBA ishte e vetme në tkurrjen e bilancit të saj, këtë herë pritet të bëjnë të njëjtën gjë dhe gjashtë vendet e tjera në G7.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English