Bashkimi i Dhomave të Tregtisë dhe Industrisë së Shqipërisë, i është bashkuar nismës së Këshillit të Bashkëpunimit Rajonal (RCC) “Gratë sipërmarrëse të vitit të Ballkanit Perëndimor”, e cila synon të vlerësojë gratë që kanë dhënë kontribut në kategori të ndryshme të biznesit.
Në kuadër të kësaj nisme, do të jepen edhe çmime për 6 gra sipërmarrëse nga rajoni, sipas kategorive të mëposhtme:
– Gruaja sipërmarrëse e gjelbërt – kushtuar grave sipërmarrëse që kanë zhvilluar ose përqafuar inovacione teknologjike, investime, metoda të gjelbra të prodhimit etj, që synojnë reduktimin e rrezikut mjedisor, minimizimin e ndotjes etj;
– Gruaja sipërmarrëse kreative – kushtuar grave sipërmarrëse që kanë zhvilluar një kompani të njohur në lidhje me artet, kulturën, dizajnin, moden, stilin e jetës etj;
– Gruaja sipërmarrëse e udhëtimit dhe mikëpritjes – kushtuar grave sipërmarrëse që kanë krijuar një kompani me ndikim pozitiv socio-ekonomik, duke kapërcyer me sukses sfidat që pandemia e Covid-19 solli në industrinë e udhëtimit dhe mikëpritjes;
– Gruaja sipërmarrëse rome – kushtuar grave sipërmarrësë që demonstrojnë aftësi për të luftuar steriotipet dhe varfërinë, duke krijuar vende pune të denjë për grupet e pa favorizuara, siç janë gratë rome;
– Gruaja sipërmarrëse start up – kushtuar grave sipërmarrëse që sapo kanë krijuar një biznes (biznes 1-3 vjeçar), duke demonstruar zgjidhje inovative dhe potencial rritjeje;
– Gruaja sipërmarrëse e re – dedikuar grave të reja sipërmarrëse deri në moshën 30 vjeç, duke demonstruar fuqizim ekonomik dhe inovacion;
Ines Muçostepa, Kryetare e Bashkimit të Dhomave, si mbështetëse e grave në biznes përmes fuqizimit të tyre ju fton të votoni gruan sipërmarrëse që mendoni se e meriton këtë vlerësim.
Për të marrë më tepër informacion mbi nismën, ju mund të klikoni Këtu!
Çmimet do të ndahen më 11 Mars 2022 gjatë Konferencës për Gratë Sipërmarrëse që do të mbahet në Tiranë. Ndaj jeni të ftuar të nominoni sipërmarrëset që mendoni për secilën kategori, duke plotësuar formularin: Regional Cooperation Council | Nomination form (rcc.int) brenda datës 04 Mars 2022.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
