Për shumëkënd, emri fitues i Nobelit të sivjetshëm në Letërsi, nuk ishte surprizë: Shkrimtarja franceze, Annie Ernaux, ishte lakuar si një nga kandidatet kryesore për çmimin prestigjioz, ndaj njoftimi i Akademisë Mbretërore Suedeze se vlerësimi i shumëlakmuar këtë radhë i shkon asaj, duket se qe pak a shumë i pritshëm.
“Çmimi Nobel në Letërsi për vitin 2022 i jepet autores franceze Annie Ernaux për guximin dhe mprehtësinë klinike me të cilën ajo zbulon rrënjët, të huajën dhe kufijtë kolektivë të kujtesës personale.” – tha Mats Malm, Sekretar i Përhershëm i Akademisë Suedeze.
Lexo edhe: Nobeli në Kimi u jepet shkencëtarëve që studiuan ndërtimin e molekulave
82-vjeçarja, që konsiderohet si nëna e autofiksionit, u bë e njohur në Francë me romanin e saj “Les Années” në vitin 2008. Ernaux rrëfente aty histori familjare nga përditshmëria, të ndërthurura me ngjarje historike. Janë ngjarje private, si shkollimi, aborti, por të vëna si rastësisht në kontekstin politiko – social, me barrierat klasore dhe patriarkale, ato bëhen politike. Ernaux është një nga shkrimtaret më të njohura franceze në botë dhe është përkthyer në shumë gjuhë. Lexuesi shqiptar e njeh atë nga “Kujtime vajze”, “Pasioni i thjeshtë” dhe “Vendi i Babait”. Java e çmimeve Nobel vijon të premten, më 7 tetor me fituesin në Ekonomi dhe mbyllet të hënën në Oslo me shpalljen e fituesit të Nobelit të paqes./ BBC
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
