Një studim tregon se saktësia e matjes të përbërjes trupore nga Galaxy Watch mund të kontribuojë në reduktimin e obezitetit - Business Magazine Albania

Një studim tregon se saktësia e matjes të përbërjes trupore nga Galaxy Watch mund të kontribuojë në reduktimin e obezitetit

Galaxy Watch

Një studim i publikuar nga American Journal of Clinical Nutrition (AJCN) zbulon se Galaxy Watch mund të kontribuojë në parandalimin ose reduktimin e obezitetit tek përdoruesit e tij. Studimi zbuloi se pajisjet Galaxy Watch ishin të sakta në matjen e përbërjes së trupit, me një saktësi të krahasueshme me rezultatet laboratorike të kryera nga Universiteti Shtetëror i Luizianës, Qendra Kërkimore Biomjekësore Pennington dhe Qendra e Kancerit të Universitetit të Hawait. Studimi nënvizon potencialin e këtyre pajisjeve për të ndihmuar në parandalimin ose reduktimin e obezitetit, një gjendje që është përgjegjëse për afërsisht 60% të vdekjeve nga sëmundjet kardiovaskulare.

Rezultatet kryesore të studimit

Një ekip i përbashkët kërkimor nga Universiteti Shtetëror i Luizianës, Qendra e Kërkimeve Biomjekësore Pennington dhe Qendra e Kancerit të Universitetit të Hawait kryen një studim për të vlerësuar saktësinë e të dhënave të përbërjes së trupit të mbledhura nga orët inteligjente.

Studimi krahasoi matjet e përbërjes së trupit të marra nga sensori i Analizës së Impedancës Bioelektrike (BIA) të Galaxy Watch4 me një masë klinike të një skanimi të absorbimit të rrezeve X me energji të dyfishtë (DXA) dhe një analizë të dyfishtë të rezistencës bioelektrike oktapolare të shkallës laboratorike.

Rezultatet treguan se matja BIA e Galaxy Watch kishte një korrelacioni 97-98% me dy pajisjet referuese në masën pa yndyrë, masën yndyrore, masën e muskujve skeletik, shkallën metabolike bazale dhe masën totale të ujit në trup. Vlera e BIA është se ofron një pamje më tërësore të shëndetit dhe mirëqenies.

E konsideruar si një sëmundje kronike, obeziteti zhvillohet me kalimin e kohës si pasojë e mbiushqyerjes dhe mungesës së aktivitetit fizik. Studimi tregon se të dhënat nga një orë inteligjente mund të ndihmojnë përdoruesit të monitorojnë përbërjen e trupit, të kuptojnë më saktë dhe të përmirësojnë shëndetin e tyre duke ndryshuar dietën dhe aktivitetin fizik. Pra, saktësia e matjes së të dhënave i lejon përdoruesit të rregullojnë sjelljen e tyre edhe kur testimi klinik nuk është i disponueshëm (kur janë në shtëpi, kur udhëtojnë ose kur punojnë në distancë).

Rezultatet tregojnë se aftësia për të vetë-monitoruar sjelljen e dikujt, veçanërisht me të dhënat që rrjedhin nga orët inteligjente, përmirëson të kuptuarit e përdoruesve për modelet e tyre të sjelljes, gjë që rezultoi në një rritje të aktivitetit fizik në gati 60% të përdoruesve.

Përveç kësaj, një provë kontrolli e rastësishme zbuloi se këto pajisjet ulën kohën e qëndrimit ulur me një mesatare prej 68 minutash, ndërsa një meta-analizë e efekteve të gjurmuesve të aktivitetit tregoi një rritje prej më shumë se 2500 hapave në ditë.

Si e mat Galaxy Watch përbërjen e trupit?

Avantazhi i Galaxy Watch është aftësia e tij për të matur BIA kundrejt vetëm Indeksit të masës trupore (BMI). Analiza e Impedancës Bioelektrike (BIA) ofron një pamje më tërësore të shëndetit dhe mirëqenies së dikujt. Ai zbërthen detajet kryesore personale, si muskujt skeletorë, shkallën e metabolizmit bazal, masën e ujit në trup dhe përqindjen e yndyrës trupore, për një pasqyrë të plotë të trupit dhe shëndetit fizik. BIA zakonisht matet në palestër ose klinikë duke përdorur pajisje të specializuara, por tani bëhet e aksesueshme me Galaxy Watch, pikërisht në kyçin e dorës. Pavarësisht nëse po përpiqeni të humbni peshë, të ndërtoni masë muskulore ose të përshpejtoni metabolizmin, BIA është një mënyrë e saktë, e thjeshtë dhe e përshtatshme për të kontrolluar dhe gjurmuar përparimin.

Është e lehtë të kontrollosh përbërjen e trupit (BIA) edhe në Galaxy Watch. Sensori BIA në Galaxy Watch4 dhe Galaxy Watch5 u mundëson përdoruesve të matin BIA me katër elektroda në Galaxy Watch – dy në pjesën e pasme dhe dy në pjesën anësore. Për të lexuar rezultatet, përdoruesit mbajnë shtypur butonat anësore të orës. Më pas, në rreth 15 sekonda, sensori i orës kap 2400 pika të dhënash. (How-to-use film)

Për të optimizuar saktësinë e matjes së përbërjes së trupit:

  • Matni në të njëjtën kohë të ditës.
  • Bëni matjet esëll.
  • Matni pasi keni shkuar në tualet.
  • Matni kur nuk keni menstruacione.
  • Matni përpara se të bëni aktivitete që shkaktojnë rritjen e temperaturës së trupit tuaj, të tilla si ushtrime, dush ose sauna.
  • Masni pasi të keni hequr objekte metalike nga trupi.

 

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0