Një shembull suksesi nga Libohova - Business Magazine Albania

Një shembull suksesi nga Libohova


Shkruar nga Afërdita Selimi, Gazetare

Në fillimet e demokracisë, Fatmir Meçani emigroi në Greqi. Atje fitoi përvojën dhe u kthye në vitin ’96-të. Aktivitetin e nisi me ullishte, por sot Fatimiri, me punën ndër vite dhe investimet e shtuara, ka industrializuar aktivitetin e tij, duke investuar në përpunim.

Ai sot prodhon vaj ulliri nga ullishtja e tij, por edhe fermerat e zonës. Me një financim prej 1.2 milionë lekësh marrë nga FEDInvest, ai ka blerë makinerinë e përpunimit dhe e ka vendosur në Libohovë.

Pas investimit të bërë gati dy vite më parë, sot nuk nxjerr në shitje vetëm vajin e prodhuar nga ullinjtë e tij, por nga e gjithë zona.

Lexo: Vaji organik i ullirit “Musai”, nga Vlora në New York e Tokio

I kthyer në një histori suksesi, Fatmiri vlen si një shembull për të gjithë fermerët e zonës. “Unë dhe familja ime, arritëm të mos shkojmë në Frakull, apo zona të tjera, por arritëm të mbyllim ciklin e prodhimit të vajit të ullirit”. Fermën e ka shtuar edhe me 10 dynym të mbjella me pemëtari.

Në fermat në Shqipëri, ende vijon të kryesojë mikrokredia. Institucione të tilla financiare arrijnë të jenë më afër fermerëve, ndërsa bankat tregtare numërojnë pak klientë të tillë. Sektori i bujqësisë ka risk të lartë, dhe bankat nuk duken të gatshme.

Në rrethin e Gjirokastrës, FEDInvest numëron 220 anëtarë. Mbi 50 persona janë financuar me kredi për të zhvilluar më tej aktivitetin e tyre. Në një vit janë financuar 16 milionë lekë në sektorin e bujqësisë dhe agropërpunimit në këtë zonë.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0