Nënshkruhet marrëveshja për fazën e dytë të projektit “Aftësi për Punë” mes Ministres së Financave dhe Ekonomisë, Znj. Anila Denaj dhe Ambasadorit të Zvicrës, Z. Adrian Maître. Kjo marrëveshje është në linjë me prioritetet e Qeverisë Shqiptare të përcaktuara në Strategjinë Kombëtare për Punësim dhe Aftësi, që synojnë të mbështesin punësueshmërinë dhe arsimin profesional të orientuar nga tregu i punës.
Pas nënshkrimit të marrëveshjes, Ministrja Denaj u shpreh se “Aftësi për Punë” përbën një hallkë të rëndësishme në zinxhirin e reformimit të sistemit të arsimit dhe formimit profesional, duke synuar modernizimin e këtij sistemi me qëllim ofrimin e njohurive dhe kompetencave për të rinjtë dhe të rriturit.
Ambasadori i Zvicrës vlerësoi arritjet e fazës së parë të projektit, ku përfituan mbi 9700 të rinj e të reja, më shumë se 400 kompani pranuan mbi 1400 praktikantë dhe niveli i braktisjes së shkollës u ul nga 14,5% në 9,6%, duke premtuar mbështetje në vijim të fazës së dytë.
“Aftësi për Punë” mbështet krijimin e një modeli shqiptar që frymëzohet nga modeli zviceran në përputhje me standardet europiane”, u shpreh Ambasadori Maître.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
