Një lajm i mirë! - Business Magazine Albania

Nga sot, Shqipëria ka nje liqen të ri, një hidrocentral të ri, një vepër të re madhore. Gjigandi norvegjez Statkraft, përfundoi Banjën, hidrocentralin e kontraktuar në vitin 2009 dhe njoftoi se provat për lidhjen në rrjet përfunduan me sukses.

Sot Banja po i shet energji botës. 250 milionë kilovat orë energji shtesë në vit, mijëra vende pune për shqiptarët, miliona dollarë të ardhura për ekonominë dhe buxhetin e shtetit.

Pas Banjës, në vitin 2018 përfundon hidrocentrali tjetër ai i Moglicës. 450 milionë kilovat orë të tjera energji, milionë dollarë të tjera të ardhura, mijëra vende të tjera pune.

Pak kush besonte kur u bë tenderi në vitin 2007 se këto projekte do te realizoheshin. Por ja ku janë. Dëshmi e asaj që Shqipëria mund të bëhet dhe shqiptarët mund të ndërtojnë sukses.

Kjo duhet të jetë Shqipëria. Jo ajo që rreh investitorët. vendi ka dëshpërimisht nevojë për modele suksesi si ky, apo si ai i Ashtës, apo si ai i gazsjellësit TAP.

Ky është një lajm i mirë për të gjithë.

Ky artikull u shkruajt nga Klodian Tomorri.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Energji
Përditësuar më: 21/09/2016	886		Neada Muçaj