Një koncept i ri në bllok nga Aladini - Business Magazine Albania

Një koncept i ri në bllok nga Aladini

Duket që risitë në treg do i sjellin kompanitë e teknologjisë edhe në industritë tradicionale të shitjeve me pakicë. Aktualisht sapo filloi një koncept i ri ‘Retail’ në bllok nga kompania më e madhe e shitjeve online në Shqipëri, Aladini.al

Përveç se dyqani i parë Omni-Channel, një koncept ku miksohet shitja online me atë tradicionalen, Aladini ka menduar një përshtatje edhe më unike si pasojë e nevojave unike të tregut Shqiptar me shitjet online.

Dyqani i parë me një koncepti të ri që sapo është hapur në bllok përballë BKT është një risi në treg. Do të funksionojë si një pikë për krijimin e eventeve me fokus produktet që Shqiptarët përdorin.

Drejtuesit e Aladini shprehen se dyqani i ri në bllok do të shërbejë si një pikë takimi e ofruesve të shërbimit me konsumatorin. Çdo javë dyqani do të ketë një event të ri, me fokus një kategori specifike, ku do të demostrohen benefitet e këtyre produkteve të shoqëruara me ekspertë që i tregojnë ato. Në këtë mënyrë konsumatorët e interesuar për secilën kategori mund të kenë një vend ku të diskutojnë me ekspertët për të kuptuar më mirë se çfarë po konsumojnë.

Çdo javë tematika do të zgjidhet ndryshe sipas nevojave të konsumatorëve. Një javë, mund të fokusohen tek produktet e një jete më të shëndetshme, një javë tjetër tek produktet e pikturës, një javë tjetër tek produktet e reja në tregun tregun e telefonave dhe kështu me rradhë çdo javë do jetë një fokus i ndryshëm.

Lexo: Krijohet Shoqata e E-commerce-it Shqiptar

Java e parë që fillon në datë 17 Prill do të ketë në vëmendje produktet ‘’Cool’’ në treg, ku markat të cilat kanë këto produkte do i japin mundësi konsumatorit ti provojnë dhe njëkohësisht nëpërmjet ekspertëve do kenë mundësi të kuptojnë benefitet e tyre. Java tjetër do jetë e fokusuar tek produktet për një jetë më të shëndetshme. Java e tretë do jetë e fokusuar tek produktet ‘’Outdoor’’ për të apasionuarit e natyrës dhe kështu me rradhë.

Një koncept i ri në bllok nga Aladini për konsumatorët dhe Markat

Ndërkohë të gjitha ofertat dhe produktet do të jenë të aksesuara edhe online tek platforma www.aladini.al dhe konsumatori do ketë mundësi që ta porosisë online dhe ta tërheqë fizikisht ose ta porosisë në dyqan dhe produkti ti shkojë në shtëpi. Mund ta blejë online dhe ta kthejë fizikisht dhe të tjera miksime të tilla.

Ky është koncepti Omni-Channel që për herë të parë vjen në versionin e plotë të tij nga Aladini.

“Nevoja që kemi parë tek konsumatorët shqiptarë për të patur një ndërveprim fizik me ne na ka bërë që ta shtojmë këtë vlerë për ta me dyqanin tonë fizik” –  shprehet stafi i Aladini.

“Sigurisht fokusi jonë është online dhe ne do vazhdojmë të rrisim cilësinë dhe benefitet e klientëve online. Dyqani nuk është një ndërrim i fokusit por një strategji për ti rritur vlerën konsumatorit tonë. Ne jemi të sigurt që pasi konsumatori ka ndërvepruar tek ne disa herë fizikisht do të vazhdojë të blejë online produktet tona sepse komoditeti që ofron platforma jonë online është i jashtëzakonshëm dhe është thjesht çështje kohe deri sa shumica e klientëve të blejnë online në Shqipëri. Por ne duam ta përshpejtojmë këtë proçes prandaj po shkojmë aty ku konsumatori ka dëshirë të ndërveprojë në fillim me ne, për ti treguar sipas mënyrës së tij benefitet që ne ofrojmë.

Dyqani gjithashtu do jetë një mundësi për përfaqësuesit e markave të ndryshme për ti rritur vlerën markave të tyre nëpërmjet bashkëpunimit me ne. Ashtu si klientëve edhe përfaqësuesve zyrtarë të markave ne i ofrojmë më shumë vlerë se të tjerët nëpërmjet platformës dhe infrastukturës tonë logjistike, por duke parë nevojën e tyre për të qënë fizikisht me konsumatorët ne i afrohemi edhe nevojës së tyre për të na dhënë mundësinë që çdo markë e shitur në Shqipëri të jetë pjesë e partnerëve tonë.

Duke patur këtë qasje, ne do të finalizojmë më shpejt vizionin tonë për të qënë platforma me shumëllojshmërinë më të madhe të produkteve online me çmimet më të mira në treg. Qasja jonë është të kemi bashkëpunim sa më të mirë me gjithë partnerët tanë me qëllim lehtësimin e jetës së klientëve tanë. Duke patur një dyqan fizik të fokusuar në evente ne do kemi mundësinë që klientëve edhe online ti japim informacion maksimal. Mënyra si do ta bëjmë këtë është duke filmuar eventin dhe duke e përpunuar atë për ta nxjerë tek klienti online me video shpjeguese për produktin, me foto reale për produktin. Duke marë përshtypje në dyqanin tonë fizik nga klienti ne do kemi mundësi të përmirësojmë edhe më shumë shërbimin tonë që ofrojmë online.

Lexo: Festivali i Librit, një festë për autorin dhe përkthyesin

Deri tani duke qënë vetëm online klientët nuk janë mësuar të japin feedback, duke u afruar fizikisht me ta do të kemi mundësi që të përmirësojmë gjithçka më shpejt sipas prioriteteve të klientëve.

Dyqani edhe nga struktura e tij është unik. Kanë qënë dy parkime tanqesh ato të cilat ne i kemi transformuar në atë që ne na duket dyqani më i bukur në Tiranë për momentin. Kjo është bërë qëllimisht për të treguar që ne jemi inovatorë, edhe pse shitjet online  akoma kryesisht kanë ngelur në nivelin e rrjeteve sociale, ne nuk na ndalon asgjë për ta pozicionuar ecommerce aty ku ai realisht duhet të jetë dhe do të jetë në të ardhmen.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0