Një institucion lehtësues në aplikimin tuaj si startup? Kallz Center ju fton në një seancë informimi - Business Magazine Albania

Një institucion lehtësues në aplikimin tuaj si startup? Kallz Center ju fton në një seancë informimi

Në thirrjen e fundit të granteve për startupet, i cili është i hapur aktualisht, lehtësuesit janë të thirrur në apel për të qenë në krah të startupeve aplikuese.
Në dokumentacionin e aplikimit nga ana e startupit, sipas të dhënave të Ministrisë së Sipërmarrjes, kërkohet edhe një certifikatë shoqëruese nga lehtësuesi, ndërsa pjesë e aplikimit është edhe CV e lehtësuesit që keni përzgjedhur.

Startupet nuk janë të detyruara të aplikojnë me një lehtësues përkrah, por aplikimi rrit mundësitë e përfitimit, pasi në vlerësim ato kanë një pikëzim më të lartë.
Kjo shkon përkrah edhe pikëzimeve të tjera që avantazhojnë startupin, sicc është aplikimi nga startupet femra.
Në një takim të zhvilluar së fundi nga Agjensia e Startupeve dhe insitucionet lehtësuese, qendra formimi, universitete, etj. Drejtori i Agjensisë Arjan Ymeri shpjegoi rolin e lehtësuesve në këtë proces.

Lexo edhe:BERZH mbështet qendrën Kallz në përgatitjen e startupeve për Women Startup Competition Albania

 

Qendra Kallz është një prej këtyre lehtësuesve, që në tre vitet e fundit ka trajnuar dhe mentoruar mbi 120 startupe që vinin nga Shqipëria, por edhe studentë apo sipërmarrës shqiptarë që jetojnë jashtë vendit. Pas trajnimeve dhe seancave të mentorimit ato janë bërë pjesë e kompeticionit të Women Startup.
E rrethuar me një ekip ekspertësh, profesionistë dhe sipërmarrës të gatshëm për të ndarë njohuritë e tyre, Kallz ka mundësinë të jetë në krah të startupeve, në faza të ndryshme të tyre.

Ndaj, nëse je një startup dhe po planifikon të aplikosh në programin e granteve, për t’u informuar mbi rolin e lehtësuesuesit në këtë proces, mund të behesh pjesë e seancës së informimit që do të zhvillohet nga qendra Kallz me 26 Dhjetor, ora 17:00

https://docs.google.com/forms/d/1QR-FmPGFNnCgS6XE_u0FKdS-iyLbzrOh-FloJ3Bmo4k/edit

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0