Të dhënat vijnë nga shitja e mikrobusit Nissan Serena në Japoni, tha Ghosn. Ai tha se paketa opsionale provon se ka një treg të madh në të ardhmen për makina që janë me vetë-ngarje. Ai tha se ky treg mund të jetë goxha i madh.
Nissan bëri një test në Japoni të një modeli Serena që ishte e aftë të qëndronte në një korsi në një autostradë. Makina ka aftësinë për të qëndruar në një korsi dhe për të mbajtur distancën e saj nga makinat rreth saj. “Kjo është vala e parë … në autostradë. Nëse ju jeni në autostradë makina mund të lëvizi vetë”, tha Ghosn.
“E kemi ofruar atë si një opsion, një opsion me pagesë. Natyrisht, kur ju ua ofroni këtë të gjithëve falas, të gjithë thonë ‘po’. Kjo nuk është e rëndësishme. Ofrojeni atë me një çmim dhe shikoni se si shumë njerëz e marrin atë. 60% e njerëzve që e blejnë këtë makinë janë duke e marrë këtë opsion, me një çmim. Kjo është shumë inkurajuese dhe këtu ne jemi duke folur për vetëm një korsi autonome. Pra, imagjinoni se çfarë do të jemi në një qytet me makina me vetë-ngarje. Kjo është ajo ku ne do të kemi benefitet, sepse shumica e njerëzve thonë se ju pëlqen të ngasin makinën, por nuk iu pëlqen të ngecin në trafik.”
Qytetet me shumë trafik do të jenë vendet që do të përfitojnë më shumë me këto makina autonome, tha Ghosn. “Ju mund të lexoni një libër, të bëni video-konferenca, të studioni, shkruani një letër – ky është një avantazh i madh,” tha ai.
Ai shtoi se beson që kjo mund t’iu japi njerëzve mbrapsht dy orë “të humbura” në ditë që aktualisht kalojnë duke ngarë makinën.
Funksioni i këtyre makinave me vetë-ngarje vjen si pjesë e një pakete opsionale, tha Ghosn.
burimi: Business Insider
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
