Pas gjashtë muajsh, paga minimale do të vendoset në masën 32,000 lekë, duke u rritur me 2,000 lekë. Ministrja e Financave e bëri të ditur këtë gjatë daljes së saj për shtyp, ku bëri një analizë të ecurisë ekonomike të vitit të kaluar dhe pritshmërive për këtë vit.
Ministrja Delina Ibrahimaj tha se, efektet e zbatimit për rritjen e pagës nisin nga 1 Korriku. Ajo është lidhur edhe me ndryshimet në deklarimin e pataksueshëm. Nga 1 Korriku nis deklarimi i tavanit të ardhurave të pataksueshme nga 30,000 në 40,000 lekë.
Sipas saj, “Paga minimale dhe rritja e deklarimit të tavanit të ardhurave, por edhe rritja e pagave për sektorë të tjerë të parashikuar në buxhet nisin nga 1 Korriku i këtij viti. Niveli i pagave në subjektet private përcaktohet nga tregu. Ajo që mund të bëjë shteti në drejtim të politikave të pagave është përcaktimi i pagë minimale, gjithsesi duke u treguar të kujdesshëm që të mos marrë hapa të nxituara që do të ndikonin negativisht në ekonomi. Kjo është edhe arsyeja pse rritja e pagës minimale këtë vit është 2,000 lekë. Nga 30,000 lekë do të shkojë në 32,000 lekë”, tha ministrja. Ajo theksoi se më këtë rritje po tregohet kujdes për të mos rritur pagat tej asaj që ekonomia mund të mbajë”.
Lexo: Erion Braçe: paga minimale të rritet në 40 mijë lekë
Paga minimale prej 30 000 zgjat kështu për një vit e gjysëm. Një vit më parë, në Janari 2021, hyri në fuqi vendimi për rritjen e pagës minimale nga 26,000 në 30,000 lekë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English