Një kompani kineze dhe drejtuesi i saj kanë bërë bujë në rrjetet sociale në Kinë, duke shpërndarë 180 milionë juanë (rreth 26 milionë dollarë) në bonuse fundviti për punonjësit.
Më 13 shkurt, Henan Kuangshan Crane Co., Ltd. organizoi galan e përvitshme të kompanisë, ku më shumë se 60 milionë juanë (8,7 milionë dollarë) u shpërndanë në vend. 800 tavolina banketi u vendosën për të pritur rreth 7,000 punonjës.
Punonjësit u ftuan të ngjiteshin në skenë për të marrë shpërblimet e tyre, ndërsa në aktivitete të tjera interaktive ata numëronin paratë vetë, sa më shumë që të numëronin, aq mund të merrnin për në shtëpi. Video të shpërndara online tregojnë punonjës që mbajnë tufa parash në duar dhe disa që gati nuk arrinin t’i mbajnë të gjitha.
Lexo gjithashtu: Deri në 2033, një e treta e personave mbi 70 vjeç pritet të jenë ende në punë
Fitimi i kompanisë për vitin 2025 ishte 270 milionë juanë, që do të thotë se pothuajse 70% e fitimeve u ndanë mes 7,000 punonjësve.
Kompania, e themeluar në shtator 2002, prodhon dhe ofron shërbime për krahë ngritës dhe pajisje për lëvizjen e materialeve, me operacione në më shumë se 130 vende. Cui zotëron rreth 98.88% të aksioneve.
Vetë Cui ka shpjeguar: “Nuk është se më pëlqen të jap para, por të rinjtë janë të ngarkuar me kredi makinash dhe hipoteka, dhe çdo ndihmë sado e vogël iu përmirëson jetën.”
Reagimet e kinezëve në rrjet kanë qenë pozitive: një përdorues tha se Cui është “Zoti i vërtetë i pasurisë në botën njerëzore”, ndërsa një tjetër theksoi se trajtimi i mirë i punonjësve rrit motivimin dhe cilësinë e punës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
