Nga 1 janari bizneset në marrëdhënie me shtetit duhet të kenë certifikatën elektronike

Nga 1 janari bizneset në marrëdhënie me shtetit duhet të kenë certifikatën elektronike

Bizneset që kryejnë shërbime apo tregti me institucionet publike duhet të pajisen me certifikatën elektronike. Drejtoria e Përgjithshme e Tatimeve u kujton sipërmarrjeve që në bazë të ligjit “Për Faturën dhe sistemin e monitorimit të qarkullimit”, të ndryshuar se kanë detyrim që prej datës 1 Janar 2021, të lëshojnë faturë në formë elektronike. Ata duhet të aplikojnë për t’u pajisur me Çertifikatën elektronike për Fiskalizimin.

Detyrimi parësor është për kryerjen e transaksioneve shitje me entet publike. Këto sipërmarrje prej 1 Janarit 2021, kanë detyrimin që të lëshojnë vetëm fatura elektronike për mallrat apo shërbimet e shitura, vërejnë tatimet.

Po kështu, dhe entet publike, pas kësaj date, për mallrat apo shërbimet e blera nga tatimpaguesit do të pranojnë vetëm Faturën elektronike, e cila do të jetë dokumentacion i vetëm i vlefshëm tatimor për furnizimet e marra.

Lexo: Ndryshimet fiskale që do të hyjnë në fuqi vitin e ardhshëm

Çertifikata elektronike është një nga elementët e domosdoshëm që siguron përdorimin e portalit të faturës elektronike dhe kryerjen e veprimeve me të.

Ky element teknik, shumë i rëndësishëm, për të aksesuar portalin dhe pranuar faturat, sigurohet duke aplikuar online tek Agjencia Kombëtare e Shoqërisë së Informacionit (AKSHI) nëpërmjet portalit e-albania, në Këtë link

 

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale