Pas një mbretërimi të gjatë si platforma më e përdorur për filma dhe seriale Netflix po përballet me një luftë të ashpër për të ruajtur pozicionin.
Netflix humbi pothuajse 1 milion abonentë midis prillit dhe korrikut, pasi numri i njerëzve që largoheshin nga shërbimi u përshpejtua. Por kjo shifër nuk ishte aq sa kishte frikë gjigandi i transmetimit.
I pyetur se çfarë mund të ketë ndaluar rënien e mëtejshme të abonimeve, shefi ekzekutiv i firmës, Reed Hastings, tha: “Nëse do të përmednja vetëm një gjë , do të ishte seriali “Stranger things”.
Sezoni i ri i dramës hit ka qenë një sukses fenomenal dhe mund të ketë ndihmuar në ndalimin e eksodit të klientëve të Netflix.
Kompania raportoi humbjen e parë të abonentëve që nga viti 2011 në prill, lajm që u pasua nga qindra shkurtime të vendeve të punës dhe një rënie e mprehtë e çmimit të aksioneve të saj.
Humbjet e abonentëve të raportuara të martën ishin më të mëdhatë në historinë e firmës, me SHBA-në dhe Kanadanë me numrin më të madh të anulimeve në tremujor, të ndjekur nga Evropa.
Ky është një ndryshim i fortë për Netflix-in, i cili gëzoi vite rritjeje në dukje të pandalshme, pasi revolucionarizoi mënyrën se si njerëzit në mbarë botën argëtoheshin.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
