Nean Muçaj: Ndërkombëtarizimi, suksesi i ekonomisë shqiptare

Nean Muçaj: “Ndërkombëtarizimi, suksesi i ekonomisë shqiptare”


Të gjithë ata studentë apo sipërmarrës që kanë dashur të trajnohen mbi menaxhimin e eksporteve e mbi fushën e tregtisë ndërkombëtare, kanë pasur mundësi të marrin njohuri të thelluara gjatë edicionit të dytë të akademisë verore për SME.

Kjo e fundit është një platformë ndërkombëtare, që operon edhe në vendin tonë e ka si synim fuqizimin e sipërmarrësve si dhe jep informacione të vlefshme për studentët e kësaj fushe.

Në një intervistë për “Gazeta Shqiptare”, Nean Muçaj, i cili ka përfunduar studimet master për të Drejtën Private dhe të Biznesit, njëkohësisht pjesë e stafit organizativ të “SME Albania”, Instituti Shqiptar i SME-ve tregon mbi temat e trajtuara dhe dobitë që ato sjellin për sipërmarrësit. Gjithashtu, Muçaj bën me dije se interesi nga ana e studentëve ishte i lartë, veçanërisht për ata që do të dëshironin një vend pune në sektorin privat.

Në fund të trajnimit, pjesëmarrësit u pajisën me një certifikatë si dhe u ofrua një bursë për pjesëmarrje në një trajnim 1-mujor në Akademinë për Biznesin Ndërkombëtar (AIBO) në Pekin në Kinë.

Lexoni: Akademia Verore për SME: “Trajnim për menaxhimin e eksportit”

Cili është misioni i platformës “SME ALBANIA”?

“SME Albania” është një platformë e ngritur me qëllim fuqizimin e sipërmarrësit në një ekonomi konkurruese. Ofron një platformë edukimi dhe trajnimi, që furnizon me njohuri e informacion dhe mbështet sipërmarrësit në arritjen e sukseseve në aktivitetet e tyre.

Disa ditë më parë është zhvilluar edicioni i dytë i akademisë verore për SME. Cili është qëllimi i organizimit të këtij edicioni?

“SME Summer Academy”, pra akademia verore për SME është edicioni i dytë që zhvillohet në Shqipëri, në bashkëpunim me “SME Academy Network”, në Suedi. Qëllimi i programit të trajnimit ishte ofrimi i njohurive për menaxhimin e eksporteve tek SME-të që dëshirojnë të specializohen në fushën e tregtisë ndërkombëtare.

Cilat janë disa prej temave kryesore që u trajtuan në “SME Summer Academy”?

Temat që u trajtuan ishin të shumta. Po përmend disa prej tyre: Guerrila Marketing për biznesin e vogël dhe networking si një strategji marketingu, nga Z.Keneth OE Sundin, themelues i ‘SME Academy Netëork’; menaxhimi i zinxhirit të furnizimit, nga Z.Daniel Guçe, ekspert për aftësitë e SME-ve, drejtor i programit të SASME 2018. Gjithashtu, u diskutua edhe për programet Interreg IPA 2014-2020, nga Z.Gentian Xhaxhiu, Departamenti i Fondeve të BE-së, Ministria për Evropën dhe Punët e Jashtme si dhe bashkëpunimi tregtar Shqipëri-Kinë, nga z.Lian Gang, këshilltar ekonomik e Tregtar, Ambasada e Kinës në Shqipëri. Më tej u fol edhe për hyrjen në strategjinë dhe planifikimin e eksportit, nga Z.Alex Silvestri, konsulent dhe ekspert i Zhvillimit të SME-ve, Universiteti Sussex, Britani e Madhe di dhe për marrëveshjet tregtare shqiptare: CEFTA, EFTA, BE etj., nga Znj.Anxhela Bushati, përgjegjëse e sektorit të menaxhimit të programeve të Zhvillimit Ekonomik, Ministria e Financës dhe Ekonomisë. Vlen të theksoj se u diskutua edhe mbi ligjin e Procedurave Doganore në Shqipëri, nga Z.Drilon Bushati. Drejtor në Drejtorinë e Përgjithshme të Doganave.

Sa ishte numri i studentëve pjesëmarrës në këtë edicion dhe a pati interes nga përfaqësues të bizneseve mbi temat e diskutuara?

Në ceremoninë e hapjes ishin të pranishëm dhe z.Kenneth OE Sundin, themelues i ‘SME Academy’, përfaqësues nga Ambasada e Holandës në Shqipëri, përfaqësues nga Ambasada e Republikës Popullore të Kinës në Shqipëri si dhe përfaqësues të institucioneve të ndryshme në Shqipëri, ku po përmend z.Ilir Halilaj zëvendësministër i Bujqësisë, etj. Në total morën pjesë 50 veta ku ishin studentë të universiteteve të ndryshme dhe përfaqësues të bizneseve si agropërpunim, tekstile, shërbime konsulence, E-Komerce, llogjistikë transporti ndërkombëtar, etj.

Cilat janë disa prej mundësive që iu ofrohen nga “SME-Albania” dhe nga ky trajnim sipërmarrësve shqiptarë?

Ky institut do t’u ofrojë mundësi sipërmarrësve të mësojnë dhe të njihen me praktika e koncepte të reja gjatë drejtimit të bizneseve të tyre, në mënyrë që të kenë mundësi të adresojnë problematikat, që lindin në sektorët dhe bizneset përkatëse. Do të zhvillohen mekanizma mbështetjeje dhe programe të reja të zhvillimit të biznesit, që ndihmojnë sipërmarrësit aktualë dhe të ardhshëm në rritjen e biznesit të tyre dhe zhvillimin e kapaciteteve. Sipërmarrësit e vegjël dhe të mesëm kanë nevojë të rrisin njohuritë e tyre vazhdimisht lidhur me mundësitë në Shqipëri dhe në tregjet ndërkombëtare, zhvillimet në sektorët përkatës, menaxhimin financiar dhe formulimin e strategjive që rrisin shitjet dhe fitimet.

Sa i vlefshëm është për studentët e ekonomikut një trajnim i tillë?

Absolutisht që interesi nga ana e studentëve ishte i lartë. Madje, në çdo kohë interes ka nga studentë që bëjnë kërkime në fushat e tregtisë ndërkombëtare dhe hulumtimit të tregut, apo edhe ata që do të dëshironin një vend pune në sektorin privat, trajnime të këtij lloji dhe niveli janë tepër të nevojshme dhe me interes. Pjesëmarrësit u pajisën me një certifikatë. Gjithashtu, u ofrua një bursë për pjesëmarrje në një trajnim 1-mujor në Akademinë për Biznesin Ndërkombëtar (AIBO) në Pekin në Kinë.

Cilët janë disa prej bashkëpunëtorëve ndërkombëtarë të “SME Albania”?

Partnerët e Akademisë Verore për SME janë Ambasada e Holandës në Shqipëri, Ambasada e Republikës Popullore të Kinës në Shqipëri, Programi Italo-Shqiptar për zhvillimin e SME-ve në Shqipëri (PRODAPS Albania), SME ACADEMY dhe ETF European Trainig Foundation.

Temat e trajtuara në “SME Summer Academy”

¨Guerrila Marketing për biznesin e vogël dhe Networking si një strategji marketingu, nga Z.Keneth OE Sundin, themelues i SME Academy Network.
¨Menaxhimi i zinxhirit të furnizimit, nga z.Daniel Guçe, ekspert për aftësitë e SME-ve, drejtor i Programit të SASME 2018.
¨Programet Interreg IPA 2014-2020, nga Z.Gentian Xhaxhiu, Departamenti i Fondeve të BE-së, Ministria për Evropën dhe Punët e Jashtme.
¨Bashkëpunimi tregtar Shqipëri-Kinë, nga Z.Lian Gang, këshilltar ekonomik e tregtar, Ambasada e Kinës në Shqipëri.
¨ Hyrje në strategjinë dhe planifikim e eksportit, nga Z.Alex Silvestri, konsulent dhe ekspert i zhvillimit të SME-ve, Universiteti Sussex, Britani e Madhe.
¨Marrëveshjet tregtare shqiptare: CEFTA, EFTA, BE, etj., nga znj.Anxhela Bushati, përgjegjëse e sektorit të menaxhimit të programeve të Zhvillimit Ekonomik, Ministria e Financës dhe Ekonomisë.
¨Ligjin i Procedurave Doganore në Shqipëri, nga z.Drilon Bushati. Drejtor në Drejtorinë e Përgjithshme të Doganave.

/GSH

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0