Instituti Shqiptar i SME-ve “SME Albania”, në bashkëpunim me SME Academy Network, organizon për të dytin vit radhazi Akademinë Verore për SME-të me temë: “Trajnim për menaxhimin e eksportit”, në datat 25 – 29 Qershor 2018 pranë Hotel Tirana International.
Programi fokusohet në praktikat ndërkombëtare të biznesit, dokumentacionin dhe procedurat e eksportit, tregtinë ndërkombëtare, barrierat dhe ndërkombëtarizimi i sipërmarrjeve të vogla dhe të mesme (SME).
Kandidatët që mund të aplikojnë janë:
• SME që eksportojnë,
• SME që kërkojnë tregje të reja dhe që kanë potencial për të eksportuar në të ardhmen,
• Studentët që janë të përfshirë në kërkime në fushat e tregtisë ndërkombëtare dhe hulumtimit të tregut ose që do të dëshironin punë për sektorin privat (si kompanitë eksportuese, konsulencat e hulumtimit të tregut, etj.).
Në fund të trajnimit të gjithë pjesëmarrësit do te pajisen me certifikatë.
Gjithashtu, falë mbështetjes nga Ambasada e Kinës, në fund të trajnimit, do të përzgjidhet një fitues që do të përfitojë një bursë për një trajnim një mujor në Akademinë e Biznesit në Kinë me temë “Rritja e kapaciteteve të eksportit për vendet në zhvillim”.
Për regjistrimin, kontaktoni në adresën info@sme.al.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
