Prona katërkatëshe ndodhet në Mayfair, në Londër dhe është e përbërë nga një sallë pritjeje, një dhomë pritjeje, një bibliotekë, dy dhoma gjumi me gardërobë dhe banjë private dhe parking privat nëntokësor. Gjithashtu, është i pajisur me ashensor që lidh të gjitha katet.
Kati i fundit është suitë e pavarur, me një dhomë gjumi, dhomë ndenjjeje, tarracë, dhomë zhveshjeje dhe një banjë. Ka edhe dy dhoma gjumi në katin e poshtëm përdhes, të shoqëruara me dy tualete, një dhomë tjetër zhveshjeje dhe një kuzhinë
Në këtë shtëpi, princeshë Diana u prezantua për herë të parë me familjen al Fayed në një darkë në vitin 1996.
Që nga fillimi i viteve 2000, shtëpia u përkiste themeluesve të Pyms Gallery në Mayfair, Alan dhe Mary Hobart.
Por pas vdekjes së zotit Hobart, në vitin 2021 dhe vdekjes së zonjës Hobart në fillim të këtij viti, shtëpia ka dalë në shitje me udhëzimet e ekzekutuesve të tyre.
“Me lidhjet e saj aristokratike dhe mbretërore, ne parashikojmë interes të konsiderueshëm për këtë shtëpi nga blerës të zgjuar në mbarë botën. Është një shtëpi trofe me një histori të shkëlqyer”,- tha Danish Arif, kreu i shitjeve të Mayfair në agjentët e pasurive të patundshme “Chestertons”.
Blerësit e interesuar duhet të kenë parasysh se prona ka dalë në shitje me një çmim prej 10.95 milionë paund.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
