Në kulmin e Covid, zhvendos biznesin e saj të konsulencës nga Italia në Shqipëri

nga Italia në Shqipëri

Pikërisht kur sipërmarrjet po mbyllen gjithandej, Maria Chiara Petrone ka mbi një muaj në Shqipëri dhe ka vendosur të hapë sipërmarrjen e saj këtu.

Pasi është njohur me mundësitë në Shqipëri, Maria Chiara është bindur që duhet të tranferojë sipërmarrjen e saj. Kur e takojmë kuptojmë se dinamika e Tiranës dhe taksat më të ulëta se e kanë bindur të zhvillojë sipërmarrjen e saj të konsulencës në Shqipëri.

“Jam lidhur me Shqipërinë përmes një avokati shqiptar, me të cilin bashkëpunoj. Ai më ka prezantuar një panoramë më të mirë krahasuar me Italinë, përsa i përket ritmit të zhvillimit. Në Itali, ndërmarrjet e vogla dhe të mesme janë në vështirësi, mbi të gjitha ato me TVSH. Atje ka një klimë shumë të pasigurt ekonomike dhe sociale”, thotë ajo.

Avokati e ka sqaruar për kuadrin fiskal për ndërmarrjet e vogla dhe të mesme, i cili i duket i dobishëm për sipërmarrjet, ndaj ka zgjedhur të mësojë më shumë dhe të vijë këtu për të parë realisht mundësitë. “Sapo erdha në fakt, më është hapur një dirtare e madhe. Shqipëria është një territor me shumë mundësi, në ndërtim dhe në zhvillim të plotë dhe rrjedhimisht gati për të pritur risi që mund të vijnë nga Italia apo vende të tjera si Gjermania, Zvicra dhe Europa”, thotë ajo.

Kjo është përvoja e saj e parë dhe tregon se kur mbërriti në Tiranë, gjeti një ambjent shumë mikpritës e të hapur për risitë. “Kjo më duket një lehtësi e madhe nga këndvështrimi i biznesit. Fokusi im i biznesit është business scouting dhe business Development, ku ndihmoj sipërmarrje të vogla dhe të mesme për t’u zhvilluar jashtë Italisë, për të krijuar marrëdhënie të reja tregtare mes strategjive të marketingut të orientuara drejt gjetjes së tregjeve të reja dhe klientëve potencialë, si dhe mundësinë e rritjes së markës në një territor”, thotë ajo.

Lexo: Elvin Guri: investimi në atdhe, përplasje mes ideve romantike të diasporës dhe realitetit në vendin amë

Sipas saj, tregu italian është maturuar ndërsa shumë më konkurencë ofron territori shqiptar. Ndaj ajo sheh një alternativë të mire, ku të krijojë mundësi të reja edhe në vendet përrreth si Kosova, Maqedonia e Veriut, Greqia dhe Turqia.

“Think big, act bigger”,  është motoja e saj dhe objektivi kryesor është suksesi, investimi i kohës dhe energjisë për zhvillimin dhe ndërtimin e një marke në një kontekst të caktuar ekonomik. Ky nuk është një rriugëtim imediat, tregon ajo, por një rrugëtim ndërtimi të identitetit të brandit dhe imazhit të brandit, përmes strategjive të fokusuara të komunikimit.

Maria Chiara ka lindur në Lovere, provincia e Bergamos, ku jetoi për 13 vite, pastaj është transferuar në Benevento, ku ka vazhduar studimet. Studimet universitare i zhvillon në Romë, ku nis dhe karrierën e saj profesionale.

Me rëndësi për të ishte bashkëpunimi me zyrën e shtypit të Vittorio Sgarbit, një përvojë vendimtare për jetën e saj, pasi sapo mbyll atë marrëdhënie pune, vendos të hapë një sipërmarrje komunikimi dhe marketingu MCP CONSULTING AND MANAGEMENT dhe të ofrojë shërbime konsulence për ndërmarrje dhe personazhe publike.

Maria Chiara tregon se, “falë punës sime, e cila më ka mundësuar të udhëtoj arrij të administroj sipërmarrjen, nga ndërkombëtarizimi deri tek eksporti dhe menazhimi i ndërmarrjeve. Ndërkohë, falë punës time si press agent dhe manager, prej vitesh bashkëpunoj me radio dhe televizione të rëndësishme në Itali si Rai dhe Mediaset, apo të përditshme kombëtare italiane. Atyre u kam sinjalizuar, jo vetëm përvojën time në Shqipëri, por edhe boom-in e rritjen e sipërmarrjeve të reja të ndërmarrjeve të reja italiane në Shqipëri. Një fenomen ky jo vetëm ekonomik, por edhe social. Shqipëria është një vend në zhvillim, ku mund të vendosim baza të rëndësishme. Për këtë presim që shpejt të bëhet edhe një emision në RAI 3.

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale