Në 2021, Samsung do të zhvillojë në mënyrë aktive seritë Galaxy sipas preferencave të klientëve dhe do të sfidojë përvojat celulare - Business Magazine Albania

Në 2021, Samsung do të zhvillojë në mënyrë aktive seritë Galaxy sipas preferencave të klientëve dhe do të sfidojë përvojat celulare

Samsung

Në postimin e tij të fundit në blog, Presidenti dhe Drejtori i Komunikimeve Celulare në Samsung Electronics TM Roh u kthye pas në kohë përgjatë vitit 2020 për të parë të gjitha risitë që Samsung u ka ofruar klientëve. Në një deklaratë, ai njoftoi se vitin e ardhshëm pajisjet do të përqendrohen në përmirësimin e opsionit të asaj që quhet ‘multitasking’, kamerës dhe videos, teknologjinë fold, inteligjencën artificiale, jetëgjatësinë e baterisë, personalizimin dhe lidhjen me pajisjet e tjera. Për më tepër, nga fjalët e tij është e mundur të ndjehet ardhja e një smartphone të ri Galaxy që do të përmbajë të gjitha tiparet e preferuara të serisë, dhe si një simbol i zhvillimit të mëtejshëm të teknologjisë në kompaninë, u veçua Samsung Galaxy Z Fold2.

“Kur mendova se nuk mund të fiksohesha më me teknologjitë e reja, 2020 më tregoi se isha gabim. Në një çast, ne duhet të mësoheshim me normalen e re dhe të bëheshim më fleksibël, dhe kjo u bë e mundur nga teknologjia”, pohoi presidenti TM Roh.

Një përmbledhje e vitit 2020

Duke theksuar se Samsung është bërë një lider në teknologjitë 5G, TM Roh njoftoi se tani po punojnë intensivisht në zbulimet e reja 5G, aftësitë e inteligjencës artificiale dhe teknologjinë IoT, që do të përshtaten plotësisht me nevojat e përdoruesve.

“Vizioni ynë i pajisjeve inteligjente që lidhen lehtësisht me telefonët inteligjentë është bërë realitet. Tani 5G është në qendër të vëmendjes për të cilën kemi punuar në mënyrë aktive për dhjetë vjet. Në 2019, ne lançuam pajisjet e para komerciale 5G Galaxy S10 5G dhe Galaxy Tab S6 5G, dhe tani është e mundur të gjesh deri në 20 pajisje 5G në portofolin tonë,” thotë TM Roh.

Në njoftimin e tij, TM Roh gjithashtu përmendi risitë në teknologjinë e smartphone-ve të palosshëm të krijuar, nga Galaxy Fold, Galay Z Flip deri tek Galaxy Z Fold2 më i fundit. Në njoftim, ai specifikisht i referohej Galaxy Z Fold2 si një shembull i një pajisjeje që përfaqëson vizionin e zhvillimit të kompanisë për 2021.

Gjithashtu, Presidenti dhe Drejtori i Komunikimeve Celulare në Samsung Electronics shpjegoi se si Samsung e ka bërë botën një vend më të mirë dhe më të qëndrueshëm për të jetuar, me teknologjinë e tij: “Në partneritet me Programin e Kombeve të Bashkuara për Zhvillim (UNDP), ne kemi promovuar hapur 17 qëllimet globale të zhvillimit të qëndrueshëm në më shumë se 80 milion smartphone. Ne kemi treguar gjithashtu anën humanitare kur mobilizuam komunitetin Galaxy përmes aplikacionit Samsung Global Goals”.

Lezo: Skano & Paguaj, shërbimi i ri inovativ në Raiffeisen ON Mobile

Të rejat për vitin 2021

Gjatë njoftimit, TM Roh njoftoi atë që Samsung po përgatit për vitin e ardhshëm: “Nga telekomunikaconi, festimet virtuale, lojërat deri te shijimi i përmbajtjes tuaj të preferuar, formati i videos është bërë më i rëndësishëm se kurrë – për videot në smartphone-t Samsung, 2021 do të jetë një vit vërtet epik. ”

TM Roh shpjegoi se Samsung po punon shumë për të zgjeruar aftësitë e inteligjencës artificiale në mënyrë që pajisjet Galaxy të mësojnë vazhdimisht zakonet e përdoruesve. Për më tepër, inxhinierët e zhvillimit po punojnë intensivisht në opsione më të përparuara të kamerës, jetëgjatësinë e baterisë dhe hapësirën e ruajtjes, optimizimin e ekranit etj. Ka gjithashtu plane për të zgjeruar aftësitë e personalizimit të pajisjes për të inkurajuar përdoruesit të jenë më produktivë dhe të kenë një sens më të mirë argëtimi. “Në bashkëpunim me ekspertë, ne kemi përmirësuar tashmë teknologjitë si UWB dhe së shpejti do të paraqesim mundësitë e pabesueshme të lidhjes me makinat inteligjente, si dhe gjetjen e sendeve personale – nga çelësat deri te kuletat.”

Galaxy i ri në horizont?

Në fund të postimit të tij në blog, TM Roh premtoi se Samsung do të vazhdojë të zhvillojë teknologji moderne fold dhe kamerën, si dhe pajisje Galaxy sipas preferencave të përdoruesve. “Ne u kemi kushtuar vëmendje veçorive të preferuara Galaxy bazuar në përvojën e përdoruesit, prandaj ne jemi shumë të ngazëllyer për t’i integruar ato në modelet tona të reja. Samsung gjithmonë do të thyejë pa u lodhur, kufijtë e teknologjisë sepse zgjidhjet moderne kufizohen vetëm nga imagjinata jonë”, përfundoi Presidenti dhe Drejtori i Komunikimeve Celulare në Samsung Electronics, TM Roh.

Rreth Samsung Electronics

Samsung frymëzon botën dhe modelon të ardhmen me idetë dhe teknologjitë e tij transformuese. Kompania po ridimensionon botën e televizorëve, smartfonëve, aksesorëve, tabletave, aparateve dixhitale, sistemeve të rrjetëzimit dhe memorieve, sistemeve LSI, zgjidhjeve teknologjike dhe LED. Për të rejat më të fundit, ju lutemi vizitoni faqen e risive më të fundit të Samsung në adresën http://news.samsung.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0