Ndjesia e fajit: e mirë apo e keqe? - Business Magazine Albania

Ndjesia e fajit: e mirë apo e keqe?

Sa herë keni dëgjuar ‘zërin e ndërgjegjes’ dhe jeni ndjerë fajtorë? Sa here ju kanë pushtuar mendjen mendime si? duhet ta kisha bërë këtë’, ‘nuk duhej ta thoja atë’, ‘pse mendova ashtu’, ‘pse veprova kështu’…

Por mos u shqetësoni, ndjesia e fajit është natyrale dhe mund të na ndihmojë të riparojmë dëmin që i kemi bërë vetes apo dikujt tjetër.

Përjetojmë ndjenja faji kur besojme se kemi bërë diçka të gabuar, ose kur mendojmë se nuk kemi vepruar si duhet. Faji shfaqet kur ne zhytemi në mendime se çfarë duhet të kishim apo nuk duhet të kishim bërë.

Në fakt, pavarësisht se ne mendojmë se faji shfaqet vetëm psikologjikisht, ai shfaqet edhe fizikisht; ndjesia e një lëmshi në fyt, rritje e rrahjeve të zemrës, frymëmarrje e shpeshtuar, apo fyt i thatë.

Ka dy lloje ndjesie faji: faj ‘i shëndetshëm’ dhe ‘ i dëmshëm’.

Ka edhe raste kur faji nuk shërben një qëllimi dhe mund të shkaktojë dëm në marrëdhëniet e punës. Atëherë mund të dalim në rezultate të gabuara për veten, mund të konkludojmë se jemi të papërgjegjshëm, të këqinj, apo egoistë.  Ose, kur pushimi nga puna vjen për shkak të rrethanave të jashtzakonshme (psh:covid19), dhe ne prapë fajësojmë vetveten.

Sigurisht që kur ndihemi fajtorë, dëshira e parë që kemi është e të bërit diçka për ta zhdukur këtë ndjesi të pakëndshme. Kështu hedhim sytë tek personat rreth e rrotull dhe kërkojmë konfirmimin e tyre që ne në fakt nuk kemi vepruar gabim, që ne kemi bërë zgjedhjen e duhur. Justifikimi i veprimeve tona me fjalë mund të merret edhe si reagim në mbrojtje të vetes.

Po faji i ‘shëndetshëm’?

Faji i shëndetshëm apo ‘i mirë’, nëse mund ta quajmë kështu, merr një formë tjetër; jostresuese për individin, madje motivuese. Psh, nëse keni një listë të gjatë punësh për të bërë, dhe ndiheni në faj nëse do të arrini t’i mbaroni, atëherë faji mund të shërbejë për t’u motivuar, për të punuar fort dhe për t’i përfunduar të gjitha. Ose, në rast se kemi mërzitur dikë , mund të filloni të bëni diçka për t’i ngritur humorin atij personi. Edhe kjo është motivuese.

Nëse ndjeheni në faj, bëni diçka, kërkoni falje nëse duhet, punoni fort nëse duhet, ndryshoni qasje nëse duhet, dhe nëse keni bërë gjithçka që mundeni, atëherë do të mund të jeni të qetë dhe të çliroheni nga ndjenja e fajit.

Mbi të gjitha kujdesuni për shëndetin tuaj mendor, këto ndjesi janë të përkohshme, janë me ne deri atëherë kur ne vendosim t’i përzëmë…

 

 

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0