Ndiheni në ankth? Ky ushtrim 5-minutësh do t'ju qetësojë - Business Magazine Albania

Ndiheni në ankth? Ky ushtrim 5-minutësh do t’ju qetësojë

Ndiheni në ankth dhe keni shqetësime ? Psikologia Kailey Spina Horan, ka krijuar një ushtrim të thjeshtë që mund t’ju ndihmojë të menaxhoni ankthet dhe shqetësimet tuaja. Duhen më pak se pesë minuta, dhe gjithçka që ju nevojitet është një laps dhe një letër.

  1. Gjeni burimin e shqetësimit tuaj.

Shqetësimi gjithmonë fillon me një mendim që Horan e quan “shkaku”. Kjo mund të jetë diçka si: “Po sikur dikush në familjen time të sëmuret?” “Po sikur të humbas punën time?” Ose madje, “Po sikur të kem një sulm paniku?” Identifikoni mendimin e parë që ju bëri të shqetësoheni. Shkruajeni.

  1. Vlerësoni shqetësimin tuaj në një shkallë nga 1 në 100.

Nëse 1 është një shqetësim i vogël dhe 100 është një shqetësim shumë i madh, cili është niveli aktual i shqetësimit tuaj? Shkruajeni atë numër.

  1. Mendoni për të gjitha arsyet e këtij shqetësimi.

Cila është më e keqja absolute që mund të ndodhë nëse arsyeja e shqetësimit tuaj realizohet? Çfarëdo që të jetë, shkruajeni.

Tani radhitni arsyet të cilat bëjnë që ju të keni të drejtë për tu shqetësuar, të gjitha faktet që mbështesin pikëpamjen tuaj më të errët për të ardhmen. Horan shpjegon se e kupton që kjo mund të duket si një ide e keqe – në fund të fundit, ju po përpiqeni të shqetësoheni më pak, jo më shumë, por kjo do t’ju japë mundësinë të bëni një hap prapa dhe të analizoni sa i vërtetë dhe realist është ky shqetësim.” Shkruajini këto prova.

  1. Tani mendoni për të gjitha arsyet për të cilat ju nuk duhet të shqetësoheni

“Merrni lupën tuaj zmadhuese psikologjike dhe filloni të inspektoni.” shkruan Horan. “Ashtu si një detektiv do të kërkonte fakte dhe jo mendime, ne duhet të bëjmë të njëjtën gjë.”

A ka ndodhur më parë gjëja për të cilën ju shqetësoheni? Sa shpesh? Nëse ka ndodhur më parë, a keni qenë në gjendje ta përballoni? Si e bëtë?

Tani imagjinoni që një mik i mirë erdhi tek ju dhe ju tregoi juve këtë shqetësim të tij. Si do të përgjigjeshit? A do të thoni që miku juaj kishte të drejtë të ishte në ankth, apo do ta siguronit mikun tuaj dhe do ti thonit se cilido që do të ishte shqetësimi i tij, me shumë gjasa nuk do të ndodhte dhe se ai ose ajo do të ishte në gjendje të përballonte atë nëse do të ndodhte? Ndoshta do të sugjeronit disa gjëra praktike që shoku juaj mund të bënte për t’u përgatitur në rast se ngjarja e keqe do të ndodhte. Shkruani arsyet tuaja për të mos u shqetësuar dhe çfarë do t’i thonit mikut tuaj të shqetësuar.

  1. Rivlerësoni shqetësimin tuaj.

Tani, merrni parasysh përsëri: Sa të shqetësuar jeni në shkallën 1 deri në 100? Fakti që keni marrë disa minuta për të shkruar shqetësimet tuaja ka të ngjarë ta ketë ulur rezultatin. Nëse po, atëherë e shkëlqyeshme! Tani keni një mjet që mund ta përdorni përsëri në të ardhmen kur e gjeni veten të shqetësuar.

Po sikur të mos funksiononte për ju? Çfarëdo që të bëni, mos e shtoni atë në listën tuaj të gjërave për t’u shqetësuar, këshillon Horan. Në vend të kësaj, provojeni përsëri, por këtë herë ‘’rekrutoni’’ një mik të ngushtë ose të dashur për ta kaluar këtë sfidë me ju.

Hulumtimet psikologjike tregojnë se terapitë e sjelljes si kjo, mund të zvogëlojnë ankthin për shumicën e njerëzve. Pra, nëse kjo qasje e veçantë nuk funksionoi për ju, vazhdoni të provoni të tjera. Fakti është, ne nuk kemi nevojë të lejojmë që shqetësimet tona të rriten aq shumë, sa të na kontrollojnë, ne mund të bëjmë diçka për t’i zvogëluar ato.

INC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0