NASA miratoi lëshimin në hapësirë, për në 27 maj, të dy astronautëve me një raketë të kompanisë së Elon Musk, SpaceX, që shënon edhe një hap të rëndësishëm drejt shkëputjes nga varësia ruse që nga viti 2011.
“Rishikimi i gatishmërisë së fluturimit ka përfunduar! Misioni i NASA’s SpaceX Crew Dragon është gati për të vazhduar drejt ngritjes”, shkruajti agjencia hapësinore amerikane në Twitter. “Të gjitha sistemet dhe nënsistemet janë vlerësuar dhe në fund ne i dhamë dritën jeshile”, tha Jim Bridenstine, kreu i NASA-s, gjatë një konference virtuale për shtyp.
Lexoni: Marina amerikane teston lazerin, që shkatërron aeroplanët në fluturim
Astronautët Robert Behnken dhe Douglas Hurley kanë qenë në karantinë të rreptë që nga 13 maji, por izolimi i tyre ka filluar që në mes të marsit. Ata janë testuar dy herë për koronavirusin e ri dhe thuhet se do të testohen sërish para nisjes.
Do të jetë hera e parë që astronautët amerikanë nisen drejt hapësirës nga territori i SHBA-së, që nga ndalimi i anijeve hapësinore në vitin 2011. Shtetet e Bashkuara kanë shpenzuar miliarda dollarë vitet e fundit në SpaceX dhe Boeing në përpjekjet për të rifituar aftësinë, për të dërguar astronautë në hapësirë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
