MZHETTS shpall 11 projektet fituese për përmirësimin e turizmit


Ministria e Zhvillimit Ekonomik Turizmit, Tregtisë dhe Sipërmarrjes shpall 11 projekte fituese për turizmin, bazuar në thirrjen për projekte të bërë nga kjo Ministri më 24 Mars 2017.

Projektet fituese janë përzgjedhur në këto fusha:

  1. Zhvillimi dhe përmirësimi i produkteve turistike specifike me paketa inovative,
  2. Promovimi i atraksioneve turistike nëpërmjet aktiviteteve mediatike,
  3. Ndërgjegjësim i vazhdueshëm për mbajtjen pastër të plazheve dhe stacioneve të plazheve.

Bazuar në listën e projekteve të kualifikuara nga Komisioni i përzgjedhjes së projekteve, projektet që përfitojnë mbështetje të plotë ose të pjesshme financiare nga buxheti i shtetit, sipas urdhërit të Ministrit nr 4587, datë 09.05/22017, janë:

1. Forumi i Mendimit të lirë, Projekti “Pastrimi dhe monitorimi i situatës mjedisore në plazhe para dhe gjatë sezonit turistik, nxitja e vullnetarizmit si formë e edukimit mjedisor”
2. Green Line Albania, Projekti “Turizmi i Gjelbër- 111 ditë- 1 plazh në ditë. Mjedis i pastër, turizëm i qëndrueshëm”
3. Organizata Shqiptare e Sommelierisë, Projekti: “Vera dhe Rakia- Shije të Traditës shqiptare”
4. Instituti për Ruajtjen e Natyrës në Shqipëri, INCA Projekti: “Destinacione turistike në Shqipëri dhe karta e turistit- sistem i menaxhimit të informacionit projekti pilot Vlorë-Llogara.
5. Klubi Discover Albania, Projekti: “Kepi i Rodonit- Zhvillim i Turizmit të qëndrueshëm në zonën e Durrësit”
6. Azhr 2 Tiranë, Projekti: “Promovimi i turizmit të brendshëm, interland ‘Rruga e Verës dhe Ullirit’
7. Rek Remont Kapital, Projekti Fustanella Festival
8. Shoqata Syri Blu, Projekti: ‘International Fest Jazz and World Music and Taste”
9. Papadhimitri Film Produktion SHPK, Projekti “Albania Coast Video Guide (north to south)”
10. Instituti i Librit dhe Promocionit, Projekti zhvillimi i Komunitetit lokal pritës në fshatrat përgjatë lumit të Vlorës
11. Klubi i Shkrimtarëve dhe artistëve Naim Frashëri, Përmet, Projekti: Botimi i Antologjisë Poetike, në gjurmët Naimiane 2017 në fokusin e kulturës dhe zhvillimit përmetar.

Të gjitha këto projekte synojnë të sjellin një vlerë të shtuar në turizmin vendas, diversifikim të produkteve dhe një zgjatje të qëndrimit të turistëve që përkojnë me synimin për një turizëm gjatë gjithë vitit në vend dhe jo sezonal.

Burimi: ata.gov.al

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale