MVP  - Ky term i keqkuptuar… - Business Magazine Albania

MVP  – Ky term i keqkuptuar…

~5 minuta lexim


Keni marrë pjesë në disa konkurse për startupet, keni lexuar shumë artikuj dhe keni hasur termin “MVP”, nuk e keni kuptuar… por për të mos u bërë me turp… e keni përdorur sikur e zotëroni…

Çfarë është një MVP?

MVP ose Minimum Viable Product (Produkti Minimal i Zbatueshëm) nënkupton gjëra të ndryshme për persona të ndryshëm kështu që le të fillojmë me përcaktimin që e lançoi si term, atë nga Eric Ries në librin “Lean Startup”.

“Një Produkt Minimal i Zbatueshëm është ai version i një produkti të ri që lejon skuadrën, e cila po merret me prodhimin e këtij produkti, të mbledhë sasinë maksimale të njohurive të vlefshme (validuara) rreth klientëve me minimumin e mundimit ose resurseve.” (përkthim i autorit).

Lexo: Startup-et me emra unikë marrin më shumë fonde

MVP

Me kalimin e kohës ky përcaktim u shkurtua duke e sjellë në formën: “Gjëja më e vogël që mund të ndërtosh e që të lejon të kalosh hapat e ciklit ndërto/mat/mëso.” Problemi me këtë përcaktim është se të gjithë hapat e ciklit klasifikohen si MVP, ndërkohë që logjikisht një mockup apo një faqe webi me informacion nuk mund të klasifikohet si një produkt.

Një përcaktim më i thjeshtë dhe më i mirë atëherë do të ishte: “Gjëja më e vogël që mund të ndërtosh dhe që çon vlerën tek konsumatori (e nëse është e mundur të marrë mbrapsht një pjesë të kësaj vlere).”

 

 

Pse Vlera?

Sepse pa vlerë asnjë klient nuk do të mund ta përdorte mjaftueshëm një MVP për t’i dhënë skuadrës informacionin e nevojshëm mbi konsumatorin. Ndërkohë që mundësitë e biznesit duhen zbatuar sapo shihen, përse të mos provohet që të kërkohet një pjesë e kësaj vlere si pagesë, duke bërë që të kemi një biznes që në fillim. Në fund të fundit, kur klienti që paguan është dhe ai që përdor produktin, ai paguan edhe validimin e idesë në vetvete.

Lexo: Startupi Clever Taxi, nga një ide në Startup Weekend në një investim prej 10 milionë €

Tre Karakteristikat

Përcaktimi im personal, përdorur edhe me të mentoruarit e mi, për MVP është “Produkti më minimal që ruan funksionin primar për të cilin është ndërtuar”. Ky përcaktim përputhet deri diku edhe me përcaktimin e Techopedias mbi MVP: “Versioni më i reduktuar i një produkti që mund të nxirret tek përdoruesi”. Këto dy përcaktime nxjerrin në pah tre karakteristika kryesore që një MVP duhet të ketë:

• Ka vlerë të mjaftueshme që njerëzit të kenë dëshirë ta përdorin apo blejnë vullnetarisht;

• Vë në dukje mjaftueshëm përfitim të ardhshëm në mënyrë që të mbajë përdoruesit e parë (early adopters);

• Ofron një cikël feedback-u për të udhëzuar zhvillimet e mëvonshme.

Si rrjedhojë, jo çdo produkt që një skuadër nxjerr (një mockup i një aplikacioni apo web faqeje) është një MVP. MVP duhet minimalisht të zgjidhë problemin.

Burimi: Entrepreneurship Albania për medium.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0