Mungon ura që lidh Zvërnecin me manastirin, me varka te "Shën Mëria" - Business Magazine Albania

Mungon ura që lidh Zvërnecin me manastirin, me varka te “Shën Mëria”


Dita e shënuar e Shën Mërisë, e cila festohet çdo 15 gusht nga besimtarët ortodoksë është kthyer në traditë për zonën e Zvërnecit.

Por besimtarët dhe banorët që kanë vizituar manastirin, këtë herë e kanë patur të vështirë për shkak se ura që lidh ishullin me pjesën tjetër të zonës është prej kohësh e rrënuar.

Besimtarët kanë mundur të arrijnë në manastir nëpërmjet 6 mjeteve lundruese që janë vënë në dispozicion nga Bashkia e Vlorës. Prifti i Kishës së Shën Mërisë, At Papjani bëri urimin për besimtarët me rastin e festës.

“U njohëm me problemet e parashtruara gjithmonë, por sërish u kremtua me gëzim. Gëzuar për shumë vjet. Faleminderit qytetarëve dhe besimtarëve ortodoksë e jo vetëm për rikthimin e kësaj tradite të vjetër”, u shpreh At Papajani.

Këtë zgjidhje të përkohshme, kreu i Bashkisë së Vlorës e cilëson një përpjekje për të bërë zonën edhe më atraktive. Tenderimi për rindërtimin e urës ka dështuar disa herë, problem ky që sipas Fatmir Lelit do të zgjidhet shpejt në bashkëpunim me Kishën.

“Vendosëm që me komunitetin lokal t’iu ofrojmë turistëve një kthim në traditë. Meqenëse procedura e tenderimit për rikonstruksionin e urës nuk pati fitues, tani do të gjejmë një mënyrë tjetër”, tha Leli.

Dita e Shën Mërisë është festa më e madhe për ortodoksët pas Pashkëve dhe Krishtlindjes.

 

burimi: top-channel

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0