Mundësi bashkëpunimi për bizneset shqiptare dhe hollandeze të tekstilit - Business Magazine Albania

Mundësi bashkëpunimi për bizneset shqiptare dhe hollandeze të tekstilit


Në vijim të bashkëpunimit ekonomik mes Shqipërisë dhe Hollandës për rritjen e partneritetit mes bizneseve të të dyja vendeve, u zhvillua pardje në Tiranë, seminari mbi “Mundësitë e bashkëpunimit Hollandë-Shqipëri në sektorin e tekstilit dhe lëkurë-këpucës”. Seminari u organizua me mbështetjen e Ambasadës Hollandeze në Tiranë, në bashkëpunim me CSR Hollandë, MVO Nederland dhe AIDA-n si partneri kryesor shqiptar mbështetës në këtë projekt.

Në fjalën hapëse të mbajtur nga ambasadorja hollandeze në Tiranë, znj. Dewi van de Weerd, u vlerësua bashkëpunimi me AIDA-n në vitet e fundit, me qëllim krijimin e lidhjeve tregtare mes bizneseve të të dyja vendeve. Në vijim të këtij aktiviteti, përfaqësuesi i AIDA-s, z. Pëllumb Qosej, bëri një prezantim të sektorit të Tekstil – Konfeksionit, klimës së favorshme të investimeve në këtë sektor për bizneset hollandeze dhe mundësive për investime të reja në vendin tonë. Gjithashtu, një theks të veçantë iu dha rolit të AIDA-s në mbeshtetje të këtij sektori dhe fondeve që ajo menaxhon.

Gjatë aktivitetit u organizuan takime në formatin B2B mes 12 bizneseve hollandeze që aktivitetin e tyre e kanë të lidhur me tekstil – konfeksionet, lëkurë, këpucën, dizajnin dhe teknologjisë së modës, marketing etj dhe rreth 20 sipërmarrësve shqiptarë të këtij sektori, duke zgjeruar mundesitë për bashkëpunim mes tyre.

burimi: aida.gov.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0