Elevator Lab, një Fintech Accelerator i organizuar nga Raiffeisen Bank International AG, njoftoi sot finalistët të cilët do të prezantohen në 20 Shtator në fazën e akselerimit të këtij programi.
Lexoni: Raiffeisen Bank lançon akseleratorin Fintech “Elevator Lab”
Gjithsej lista përfundimtare përmban 16 startupe, ndër to renditet dhe një startup shqiptar.
MPAY është përzgjedhur nga 336 kompani nga 52 vende të botës, midis tyre edhe 6 kompani nga Shqipëria.
Lexoni: Elevator LAB: 336 aplikime për programin fintech akseleratorë të RBI-së
MPAY operon një platformë të centralizuar të pagesave mobile dhe integron sistemin bankar kryesor të partnerëve të saj bankarë në mënyrë që të lejojë klientët të kryejnë pagesa mobile. MPAY u krijua për të bërë më të lehtë pagesat me anë të celularit dhe transfertat e parave, duke e vendosur në qendër bankën dhe duke lidhur numrin e telefonit celular të klientit me llogarinë e tij bankare.
MPAY filloi të operonte para katër vitesh në Shqipëri dhe ka mbledhur më shumë se 100,000 klientë dhe realizon mbi 300,000 transaksione çdo muaj. Aktualisht, MPAY funksionon në KUIK, një rrjet vendas për transfertat e menjëhershme P2P mes klientëve, bankat e të cilëve po bëhen pjesë e KUIK.
Klientët do të identifikohen përmes numrave të tyre celular dhe fondet do të kreditohen menjëherë në llogarinë bankare të përfituesit përmes një tranferimi në kohë reale.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
