Motivimi dhe frymëzimi i stafit janë ndër arsyet kryesore të arritjes së rezultateve të shkëlqyera në biznes. Këtu janë disa mënyra për të drejtuar punonjësit tuaj në drejtimin e duhur dhe për të arritur bashkë qëllimet tuaja.
1.Ndani vizionin tuaj dhe vendosni qëllime të qarta
Mund të motivoni dhe frymëzoni ekipin tuaj vetëm nëse ata dinë për çka po punojnë. Sigurohuni që punonjësit tuaj të jenë të vetëdijshëm për vizionin tuaj dhe qëllimet kryesore për biznesin.
2.Komunikoni me stafin tuaj
Pjesa e vendosjes së qëllimeve të qarta përfshin komunikimin efektiv me ekipin tuaj. Komunikimi është një rrugë dy-kahëshe dhe duhet të siguroheni që ka një fluks të vazhdueshëm komunikimi mes jush dhe punonjësve tuaj.
3.Inkurajoni bashkëpunimin në ekip
Kompanitë më të suksesshme janë ato ku të gjithë punojnë bashkë në mënyrë të përbashkët. Fillimisht, sigurohuni që ekipi juaj të jetë i pajtuar në qëllimet. Nxitja dhe promovimi i bashkëpunimit rrit produktivitetin, sepse bën që punonjësit të ndjehen më pak të izoluar dhe i ndihmon të angazhohen më shumë me detyrat e tyre.
4.Një mjedis i shëndetshëm në zyrë
Mjedisi ynë ka një ndikim të rëndësishëm në produktivitetin, kënaqësinë dhe kreativitetin tonë. Punonjësit e shëndetshëm dhe të kënaqur kanë më shumë mundësi të ndjehen të motivuar dhe të angazhuar. Krijoni një hapësirë që është e këndshme për të punuar dhe një zyrë ku punonjësit tuaj duan të kalojnë kohën e tyre. Kini kujdes për privatësinë, zhurmën, cilësinë e ajrit, dritën natyrale, zonat për të pushuar dhe ambientin.
Lexo edhe: E ardhmja e legjislacionit të inteligjencës artificiale
5.Jepni feedback pozitiv dhe shpërblim ekipit tuaj
Fuqia e feedback-ut pozitiv shpesh harrohet, por vlerësimi dhe lavdërimi i arritjeve frymëzon anëtarët e ekipit, sepse ata mund të shohin se si po përparojnë drejt qëllimeve të kompanisë. Kur punonjësit arrijnë rezultate të mira, japin mund shtesë ose bëjnë punë të shkëlqyeshme, sigurohuni të tregoni se jeni mirënjohës dhe të jeni specifikë në lavdërimin tuaj.
6.Sigurohuni që punonjësit të kenë mundësi për zhvillim
Anëtarët e ekipit ndjehen më të vlefshëm kur po mësojnë dhe po zhvillojnë aftësitë e tyre. Për të motivuar dhe frymëzuar ekipin tuaj për të arritur rezultate të shkëlqyera, duhet të ofroni punonjësve tuaj mundësi për rritje dhe zhvillim.
7.Jepni punonjësve hapësirën që ata kanë nevojë për të qëndruar sa më mirë
Një drejtues që kontrollon çdo gjë mund të frenojë kreativitetin shpejt. Duke i dhënë punonjësve tuaj hapësirë dhe autonomi, tregoni qartë se i besoni atyre që të kryejnë punën në mënyrën e tyre të vet. Kjo mund të frymëzojë individët të gjejnë mënyra më efikase ose më të thjeshta për të kryer detyrat ose për të zbuluar mungesat në aftësitë e tyre ose departamentin gjatë punës.
Motivimi është një pjesë thelbësore e çdo ambiente pune dhe duhet të përpiqeni gjithmonë që punonjësit tuaj të ndjehen të motivuar dhe frymëzuar. Nëse e bëni këtë, jeni të sigurt që do të arrini rezultatet që ju duhen. Në fund, forca e punës suaj mund të arrijë një shkëlqim operacional.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
