Microsoft ka zhvilluar një mjet për të identifikuar videot deepfake dhe imazhet kompjuterike të manipuluara, ku fjalët apo mimika e një personi ndërrohet me një tjetër.
Softueri analizon fotot dhe video dhe jep një vlerësim besueshmërie nëse materiali në fjalë është krijuar artificialisht.
Microsoft thotë se Video Authenticator do të luftojë dezinformimin. Videot deepfake fituan popullaritet në fillim të 2018-ës pasi një zhvillues përmes inteligjencës artificiale krijoi një softuer, që ndërronte fytyrat e njerëzve.
Procesi ishte i tillë: Një set fotosh të një personi dhe video të një personi tjetër ngarkoheshin në kompjuter. Më pas softueri gjeneronte një video të re me fotot e personit të parë duke përshtatur këtu edhe detaje si shprehi të fytyrës, sinkronizimin e buzëve dhe lëvizje të tjera.
Ekzistojnë disa aplikacione të cilat kërkojnë vetëm një foto selfie për të ndërruar fytyrën e një ylli Hollivudi me një të një njeriu të zakonshëm. Rrjeti social Facebook në fillim të vitit ndaloi publikimin e deepfake në platformë. Twitter dhe TikTok bënë të njëjtën gjë.
Microsoft Video Authenticator përpiqet të identifikojë shenja të manipulimit të një imazhi apo gjenerimit të tij në mënyrë artificiale. Për ta ndërtuar kompania përdori teknikën e saj machine learning me një set prej mbi 1,000 sekuencash video deepfake dhe më pas i testoi ato me një deepfake të vërtetë.
Manipulimi i fotove dhe video janë një sfidë e madhe për median sociale dhe keqinformimin. Megjithatë teknologjia deepfake nuk është e nevojshme për të manipuluar përmbajtje si foto dhe video, të cilat mund të bëhen edhe me mjete edituese nga një njeri.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English