Mjekët e Spitalit Infektiv: Ne do t'ia dalim, por ju qëndroni në shtëpi

Mjekët e Spitalit Infektiv: Ne do t’ia dalim, por ju qëndroni në shtëpi


Një postim i stafit mjekësor të Spitalit Infektiv në rrjetin social Facebook, mori reagime të shumta mbrëmjen e djeshme, pasi tregoi përjetimin e mjekëve “brenda mureve të spitalit”.

“Për të gjithë ju që na shihni çuditshëm kur ne futemi te godina e Spitalit Infektiv, të kthyer në karantinë tashmë, jemi ne infermierët, mjekët, sanitarët ato që kemi qenë gjithmonë në shërbimin tuaj, veçse tani ka ndryshuar uniforma jonë,”, shkruhej në postimin e mjekëvë, të cilët po qëndrojnë në krye të detyrës.

“Por ne jemi sërish të njëjtët veçse në një mision të vështirë që të gjithë ju s’do e kuptoni! Ne jemi më të rrezikuarit nga të gjithë, në rrezik është dhe familja jonë ndaj ju lutem mos na shihni çuditshëm e mos na pyesin si ia dalim! Se ne të gjithë bashkë ia dalim dhe të gjithë bashkë do t’ia dalim shëndoshë e mirë nga ky mision! Me mbështetjen e madhe të shefes sonë prof. Najada Çomo do t’ia dalim, jam e bindur për këtë! Ju lutem ju qëndroni në shtëpi! Ama ne nuk mundemi! Lutem për stafin tim, për Kliniken e parë të spitalit infektivit!”, përfundon postimi i mjekëve heronj.

Ndërkohë në rrjetin social Facebook të mjekut Edmond Puca, shkruhet një mesazh prekës dhe falenderues për të.

“Ky është Doktor Edmond Puca. Doktor Mondin e kam takuar fiks një vit me parë, në repartin e Infektivit, QSUT. I jam përjetë mirënjohëse për të gjithë profesionalizimin e treguar ndaj babait tim ku përkushtimisht arriti të stabilizojë shëndetin e tij. Sot, doktor Mondi gjendet në krye të detyrës, në vijën e parë tek Infektivi duke u kthyer kështu në heroin e guximshëm që lufton një armik të panjohur si CoronaVirus.
Shumë herë faleminderit, meritoni përulësisht falenderimet dhe bekimet e të gjithë shqiptarëve për punën e palodhur në këtë situatë të jashtëzakonshme”.

Këtij postimi i janë përgjigjur shumë qytetarë duke u shprehur se mjekët si doktor Mondi dhe kolegët e tij, janë heronjë e vërtetë sot, pasi ata po përballen në front me virusin.

Postimit të kolegëve të Infektivit në QSUT iu përgjigj edhe mjeku i njohur Pëllumb Pipero, i cili ka qenë shumë aktiv në intervistat për media, duke sensibilizuar të gjithë qytetarët, që prej shpërthimit të virusit në vendin tonë.

“Ju jeni një pjesë e jona, ndoshta më e mira, tani me e ekspozuara para COVID-19, edhe pse të mbrojtura e të trajnuara. Koha e solli të sprovoheni të parat, e pas jush edhe ne, jo me radhë, por me përgjegjësi, përgjegjshmëri e displinë profesionale! Sot sytë, mendja dhe zemra jonë është aty me ju, dhe ju me ata që kanë COVID-19 në trupin e tyre e luftojnë me të çdo moment, nën kujdesin tuaj, me ndihmën tuaj,” shkruan Pipero.

Mjeku nxiti stafin mjekësor të shkojnë përtej misionit të tyre profesional dhe të dhurojnë dashuri për pacientët për t’a kaluar sa më shpejt këtë luftë me virusin.

“Ju dhe ne, sot për ata jemi jo vetëm mjekë, infermierë e sanitarë, por dhe motër, vëlla, nënë, baba dhe shumë më tepër se kaq. Le të mos ua kursejmë dashurinë që ju mungon, do bëjmë gjithçka t’i kthejmë sa më parë në gjirin e familjes të shëruar!” shtoi mjeku.

“Spitali nuk është zgjedhje, zgjidhja është respektimi i këshillave për të mos u infektuar!, shprehet Pipero duke nxitur qytetarët të qëndrojnë në shtëpi.

Masat e ndërmarra synojnë kufizimin e përhapjes së virusit, i cili në shkallë globale ka prekur 132,300 persona në të paktën 111 vende dhe ka lënë 4,959 të vdekur.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0