Ndryshe njihet si “mbreti” i Call Center, por figura e tij u bë akoma dhe më popullore për njerëzit në zgjedhjet e këtij viti ku kandidoi në qytetin e Vlorës.
Themeluesi i Localweb, ka qenë i ftuar në GOOGLE PARTNER SUMMIT ku përmes një statusi në Facebook ka bërë me dije misionin e tij të rradhës:
“Krenari e veçantë kur më kërkuan të prezantoja para partnerëve nga gjithë bota (Kina, Rusia, Tajlanda, Amerika, Kanada, etj) të Google, punën dhe zgjidhjet inovatore që kemi bërë nga Tirana. Përveçse kuptova vizionin e gjigandit dixhital Google për vitet e ardhshme, konfirmova bindjen time që të rinjve shqiptarë nuk u mungon asgjë për të konkurruar në tregun botëror të ICT.
Për këtë arsye, me mbështetjen e Google, do krijojmë “Tirana Digital Accademy”. Misioni i akademisë është të trajnojë dhe përgatisë falas të paktën 10.000 të rinj shqiptarë ne fushën e teknologjisë. Në këtë mënyrë ata do kenë mundësinë të punësohen dhe të zhvillojnë karrierën e tyre në kompani shqiptare dhe ndërkombëtare…”
“Unë jam i terrorizuar nga dështimi dhe është pikërisht frika ndaj dështimit ajo që më jep energji për në vazhdimësi,” ka thënë Shehaj për Startup Grind Tirana, prandaj nuk na mbetet gjë tjetër veçse të numërojmë sukseset e tij.
Lexoni: Post Startup Grind, Agron Shehaj: “Duhet të përqëndrohesh më shumë tek njerëzit dhe jo tek idea.”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
