Miratohet vaksina e Johnson&Jonhson - Business Magazine Albania

Miratohet vaksina e Johnson&Jonhson

Rregullatorët e medikamenteve në SHBA, kanë aprovuar zyrtarisht vaksinën e vetme të Johnson & Johnson të koronavirusit, vaksinën e tretë që autorizohet në vend. Kjo vaksinë administrohet përmes një doze të vetme.

Kjo është vaksina e tretë që është miratuar në SHBA kundër koronavirusit, pasi në këtë shtet tashmë janë miratuar për përdorim vaksina e Pfizer/BioNTech dhe ajo e kompanisë Moderna. Vaksina Johnson & Johnson thuhet se është më e lirë se dy vaksinat e tjera që po përdoren në SHBA dhe po ashtu mund të ruhet në frigoriferë normalë dhe jo në Vaksina është krijuar nga firma belge Janssen dhe kompania ka rënë dakord të sigurojë 100 milion doza deri në fund të Qershorit. Dozat e para mund të jenë në dispozicion që nga java tjetër.

Mbretëria e Bashkuar, BE dhe Kanada gjithashtu kanë porositur doza dhe 500 milion doza janë porositur gjithashtu përmes formacionit Covax për të furnizuar kombet më të varfra. Presidenti Joe Biden tha se ky është “një lajm emocionues për të gjithë amerikanët dhe një zhvillim inkurajues”, por paralajmëroi se “lufta nuk ka mbaruar”.Vaksina e Johnson & Johnson mbart pjesë të kodit gjenetik të koronavirusit. Ky kod gjenetik është i mjaftueshëm që trupi ta kuptojë rrezikun dhe të mësohet se si ta luftojë koronavirusin. Kjo gjë, sipas shkencëtarëve, e mëson sistemin imunitar të një personi se si ta luftojë koronavirusin nëse infektohet me të. Të njëjtën metodë përdorë edhe vaksina e kompanisë britanike, AstraZeneca dhe Universitetit të Oxford-it.

LEXO: Eksperimenti; shkencëtarët po shqyrtojnë përzierjen e dy vaksinave anti-Covid

Vendimi i rregullatorit të barnave në SHBA për ta miratuar për përdorim emergjent vaksinën e Johnson & Johnson vjen në kohën kur ky shtet ka regjistruar mbi 508.000 viktima nga koronavirusi. Megjithatë, numri i rasteve të reja në baza ditore ka rënë, si dhe numri i të hospitalizuarve. Por, përhapja e varianteve të reja të virusit, që besohet se janë më ngjitës, vazhdon të jetë shqetësueses për autoritetet. I ashtuquajturi varianti britanik i COVID-19, me shumë gjasa do të bëhet varianti dominat në SHBA në muajin mars.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0