Bizneset e reja në fushën e inovacionit do të mbështeten financiarisht nga buxheti i shtetit.
Kjo është bërë e ditur nga specialistja Ana Petani në Komisionin për Veprimtaritë Prodhuese, Tregtinë dhe Mjedisin. Bizneset e regjistuara si ‘Start Up’, do të kenë mundësi të përfitojnë këshillim pa pagesë, të përjashtohen nga taksat vendore, taksat e pasurisë së paluajtshme, të ndërtesës si dhe nga tatimi mbi fitimin për dy vite rresht. Petani u shpreh se mbështetja e Start Up-eve do të bëhet me anë të regjistrimeve dhe se një start up, i cili është më i zhvilluar se sa një ide do të financohet me shumë.
“Mbështetja e inovacionit në fusha prioritare si dhe mbështetja e iniciativave që kanë impakt pozitiv mjedisor apo fuqizimi i grave sipërmarrëse. Startup-et do të mbështeten me anë të thirrjeve që do të hapen përmes një thirrje me temë të caktuar. Mbi këtë bazë do të bëhet edhe mbështetja e startup-eve. Do të hapet regjistri i startup-eve dhe i lehtësuesve nëpërmjet e-Albania dhe një startup apo një lehtësues futet në e-Albania dhe vetëdeklarohet si startup dhe në momentin që hapet thirrja startup-i që është pjesë e këtij regjistri sheh kriteret për të aplikuar. Nëse është një startup në fazë ideje do të financohet më pak sesa një startup më i zhvilluar. Vetëm 2% e startup-eve janë të suksesshme, të cilat marrin financime. Ne jemi shumë koshient për këtë dhe buxheti i shtetit nuk është i cunguar sepse buxheti i shtetit është 10 milionë euro për katër vite, pra janë 2.5 milionë euro në vit. Ne kemi një numër prej 1000 Startup-esh që janë financuar nga donatorë të ndryshëm, por vetëm 2% janë të suksesshme”, tha Petani.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
