Ministria e Turizmit, Kulturës dhe Sportit organizoi në Qendrën “Sotir Kolea” takimin inaugurues (Kick-Off Meeting) të projektit ndërkufitar SEEDS – Strengthening Entrepreneurial Ecosystem in the Domain of the Cultural and Creative Sector, pjesë e Programit IPA CBC South Adriatic.
Takimi u hap nga Anisa Pollo, Drejtoreshë e Përgjithshme për Artin, Kulturën dhe Rininë, e cila theksoi rëndësinë strategjike të projektit për zhvillimin e sektorit kulturor e kreativ dhe për forcimin e bashkëpunimit rajonal.
Në këtë aktivitet u mblodhën përfaqësues të institucioneve partnere, profesionistë të kulturës, aktorë lokalë dhe grupe të interesit nga Shqipëria, Italia dhe Mali i Zi, duke krijuar një hapësirë të përbashkët dialogu dhe bashkëpunimi.
Takimi shënoi nisjen zyrtare të bashkëpunimit ndërinstitucional dhe prezantoi objektivat, strukturën e ndërhyrjes, planin e punës dhe paketën e aktiviteteve të projektit SEEDS. U diskutua mbi ndarjen e roleve dhe përgjegjësive mes partnerëve, metodologjinë për hartimin e Strategjisë Ndërkufitare SEEDS, si dhe mekanizmat e menaxhimit dhe komunikimit teknik të projektit.
Lexo edhe: Rusia bllokon Roblox-in, akuza për terrorizëm dhe përmbajtje LGBT
Projekti SEEDS zbatohet nga Ministria e Turizmit, Kulturës dhe Sportit (lider projekti – Shqipëri), Teatri Kombëtar, Teatri Publik i Puglias (Itali), Federata Malazeze e Punëdhënësve dhe Komuna Agnone (Itali).
Ky projekt synon të forcojë sektorin kulturor dhe kreativ në zonën e Adriatikut të Jugut, duke adresuar sfidat e lidhjes së kulturës me sipërmarrjen dhe ekonominë kreative. Fokus i ndërhyrjes janë mbështetja për ndërmarrjet e vogla dhe të mesme, trajnimi profesional, zhvillimi i modeleve të reja të qeverisjes kulturore, si dhe ndërtimi i rrjeteve të qëndrueshme profesionale dhe institucionale.
Ministria e Turizmit, Kulturës dhe Sportit riafirmon angazhimin e saj për të mbështetur industrinë kulturore dhe kreative, si një sektor me rëndësi të veçantë për zhvillimin ekonomik dhe rritjen e bashkëpunimit rajonal.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
