Ministria e Financave në takim me FMN-në: “Kemi mbrojtur shtresat në nevojë nga kriza e çmimeve” - Business Magazine Albania

Ministria e Financave në takim me FMN-në: “Kemi mbrojtur shtresat në nevojë nga kriza e çmimeve”

Misioni i Fondit Monetar Ndërkombëtar kryesuar nga Yan Sun u pritën në një takim nga ministrja e ekonomisë, Delina Ibrahimaj e cila informoi mbi ecurinë ekonomike të vendit në kontekstin e ri të krijuar nga efektet e krizës energjetike, pas luftës së Rusisë në Ukrainë.

Gjatë këtij takimi, Ministrja Ibrahimaj, shprehu angazhimin për të ruajtur parametrat makroekonomik dhe vijuar konsolidimin fiskal, edhe pse rritja e çmimeve në tregjet globale ka dhënë efektet edhe në ekonominë shqiptare.

Lexo edhe: Sejko: BSH e gatshme të ndërmarrë veprime për të kontribuar në zhvillimin e mëtejshëm të ekonomisë

“Nga njëra anë kemi ndërmarrë politika lehtësuese për qytetarët dhe biznesin për të përballuar rritjen e çmimeve të energjisë elektrike dhe të inflacionit në përgjithësi, veçanërisht për shtresat më vulnerabël, si dhe nga ana tjetër kemi ruajtur qëndrueshmërinë e financave publike dhe stabilitetit makroekonomik të vendit”, u shpreh ndër të tjera Ministrja në këtë takim.

Sakaq shefja e misionit të FMN, Yan Sun u shpreh se disa prej fushave kryesore ku do përqendrohet misioni do të jenë analiza dhe perspektiva e treguesve makroekonomikë, fiskalë, monetare, financiarë, e të tjerë dhe projeksionet për to, do analizojë, vlerësojë dhe rekomandojë mbi objektivat e politikave fiskale, monetare, makro-prudenciale, e të tjerë, do analizojë planet fiskale dhe buxhetore të qeverisë, performancën e vitit 2022, financimin buxhetor, draft-buxhetin 2023 dhe plan-buxhetin afat mesëm, reformat strukturore, risqet, etj.

Misioni i FMN-së, i cili do të qëndrojë në Tiranë, nga 27 Shtator deri më 10 Tetor.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0