Metaverse i pandalshëm! Në një javë shiten 4 projekte 106 milionë dollarëshe - Business Magazine Albania

Metaverse i pandalshëm! Në një javë shiten 4 projekte 106 milionë dollarëshe

Metaverse

Metaverse duket se është në periudhën e artë të saj me një shpërthim të jashtëzakonshëm në shitje. Vetëm javën e fundit u shpenzua një total prej 106 milionë dollarësh në prona virtuale, me blerjet e tokës digjitale, jahteve luksoze dhe aseteve të tjera, sipas të dhënave nga DappRadar.

Sandbox, një botë lojërash në internet që lejon përdoruesit të zotërojnë parcela toke, ka mbizotëruar me numrin e shitjeve. Nga data 22 Nëntor dhe deri më 28 nëntor, platforma tërhoqi 86.56 milionë dollarë në shitje unike toke.

Në vendin e dytë ishte Decentraland, një tjetër platformë virtuale  e cila arriti të fitojë 15.53 milionë dollarë nga shitjet e parcelave dixhitale të tokës. Konkurrenti tjetër CryptoVoxels shiti tokë dixhitale për një total prej 2.68 milion dollarësh, ndërsa Somnium Space, një platformë metaverse, shiti pasuri të paluajtshme me vlerë 1.10 milion dollarë.

Javën e kaluar, blerësit shpenzuan shuma rekord parash në parcelat virtuale të tokës në metaverse, ku përdoruesit mund të luajnë lojëra, të tregtojnë asete dixhitale dhe të blejnë e shesin çdo gjë nga atlete dixhitale deri te fustanet dixhitale duke përdorur kriptomonedha.

Metaverse Group, një degë e Tokens.com, bleu tokë dixhitale për 2.43 milionë dollarë të martën e kaluar, një rekord për shitjet e pronave në Decentraland. Në të njëjtën javë, një tjetër parcelë u ble për 2.3 milionë dollarë në Axie Infinity, një platformë lojërash.

“Padyshim, toka metaverse është arritja e rradhës në hapësirën NFT. Me shifra shitjesh rekord dhe duke rritur vazhdimisht çmimet e NFT, botët virtuale janë komoditeti i ri kryesor në hapësirën e kriptove,” tha DappRadar.

Lexo: ‘Mirësevini në Decentraland’. Platforma ku metaverse ekziston prej vitesh dhe ku mund të blini prona me kripto

Javën e kaluar, katër botët kryesore virtual, tërhoqën mbi 6,000 tregtarë. Raporti tha se rritja e aktivitetit në metaverse filloi me vendimin e Facebook në fund të tetorit për t’u emëruar “Meta”,si një shenjë e angazhimit të kompanisë për të ndërtuar një botë dixhitale për përdoruesit e saj.

“Ngjarjet në Metaverse po bëhen një standard i industrisë në hapësirën e kriptove. Duke lejuar markat, artistët dhe krijuesit të shfaqin punën dhe produktin e tyre para miliona njerëzve në mbarë botën, ngjarjet virtuale në metaverse do të bëhen më të njohura,” thuhet në raport.

Vetëm këtë javë, Republic Realm shpenzoi 4.3 milionë dollarë në një parcelë toke virtuale.

Klubet sportive po angazhohen gjithashtu duke u bërë pjesë e metaverse. Sipas një deklarate ditën e martë, klubi anglez i futbollit Manchester City është bashkuar me Sony për të ndërtuar botën e tij virtuale dhe prodhuesi gjerman i veshjeve sportive Adidas tha së fundmi se ishte bashkuar me Coinbase pasi njoftoi se do të zgjeronte aktivitetet e tij në metaverse.

Themeluesit e Gemini Exchange, Tyler dhe Cameron Winklevoss, thanë se kishin blerë një parcelë toke virtuale dhe kishin mbledhur 400 milionë dollarë të cilat do t’i përdorin në ndërtimin e një metaverse të tyren.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0