Kompania mëmë e Facebook Meta ra dakord të zgjidhte çështjen e Cambridge Analytica për 679.6 milionë euro (725 milionë dollarë), zbulon një dosje nga Gjykata e Qarkut në SHBA.
Marrëveshja e propozuar do të zgjidhte një çështje që ka qenë e hapur që nga viti 2018, në të cilën Facebook u akuzua se i lejoi firmës konsulente të palës së tretë të ketë qasje në të dhënat e gati 87 milionë përdoruesve.
Cambridge Analytica, një kompani tashmë e zhdukur, punoi për fushatën e suksesshme presidenciale të Donald Trump në vitin 2016. Kompania në fjalë fitoi informacione personale të llogarive në Facebook për profilizimin dhe shënjestrimin e votuesve pa pëlqimin e përdoruesve, shkruan GSM Arena.
Rasti i shtyu qeveritë në mbarë botën të rivlerësojnë praktikat e tyre të privatësisë dhe Facebook ka rënë dakord të paguajë 4.6 miliardë euro (5 miliardë dollarë) në 2019 për të zgjidhur një hetim të Komisionit Federal të Tregtisë dhe më pas 93.7 milionë euro (100 milionë dollarë) më shumë për të zgjidhur pretendimet e Komisionit të Letrave me Vlerë dhe Shkëmbime të SHBA-së, të dyja në lidhje me privatësinë e përdoruesit dhe si përdoren të dhënat e tyre
Marrëveshja ende nuk është miratuar nga një gjykatës federal nga divizioni i San Franciskos i gjykatës së qarkut verior të Kalifornisë.
Meta, siç raportohet nga Reuters, nuk pranoi se ka bërë diçka të keqe, dhe pretendoi se “përditësoi qasjen ndaj privatësisë dhe do të zbatoi një program gjithëpërfshirës të privatësisë”. npr
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
