‘Lufta’ e makinave që ecin vet, pa shoferë ka kohë që ka filluar dhe sa vjen e më shumë ‘luftëtarë’ po i bashkohen.
Daimler, kompania mëmë e Mercedes Benz, ka njoftuar dje se po planifikon të sjellë taksitë që ecin vet brenda 3 vitesh.
Gjigandi Gjerman është kompania më e fundit që bën këtë premtim. Ford dhe BMW kanë premtuar të njëjtën gjë brenda vitit 2021. Ndërsa General Motors dhe Waymo (i Google) kanë vendosur dhe ata t’i bashkohen inovacionit për makinat që drejtohen vet.
Uber nga ana tjetër është duke testuar këtë koncept që prej Shtatorit të vitit të kaluar në Pittsburgh.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
