Mercedes-Benz njoftoi tërheqjen e pothuajse një milion makinave në mbarë botën për shkak të problemeve të mundshme me sistemin e frenimit. Gjigandi gjerman i prodhimit të makinave tha se do të kontaktojë pronarët e mjeteve në fjalë, pasi frenat e tyre mund të jenë subjekt i atij që njihet si “korrozion i avancuar”.
Kërkesa për kthim mbrapsht prek 993,407 makina, duke përfshirë 70,000 në Gjermani. Kompania pati bërë thirrje të ngjashme edhe vitin që shkoi për shkak të problemeve me sistemin e thirrjeve të emergjencës. Makinat e përfshira në tërheqjen e fundit janë prodhuar në periudhën 2004-2015 dhe janë të serive ML dhe GL.
Lexo edhe: Hyundai kërkon kthimin mbrapsht të 239 mijë makinave. Arsyeja lidhet me sigurinë
“Kemi zbuluar se në disa makina, funksioni i përforcuesit të frenave mund të preket nga korrozioni i avancuar. Është e mundshme që një manovër veçanërisht e fortë frenimi të shkaktojë dëmtim mekanik në përforcuesin e frenave.” – u shpreh Benz në një deklaratë.
Mercedes sqaroi se do t`i kontrollojë menjëherë mjetet e dyshuara për probleme të tilla dhe do të zëvëndesojë pjesët e tyre nëse është e nevojshme.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
