“Mendje Artët 2021” – “Gazeta Diaspora Shqiptare” merr çmimin “Media e Vitit”

“Dhoma e Biznesit të Diasporës”, në bashkëpunim me “Unionin e Sipërmarrësve të Rinj” dhe me mbështetjen e “Fondit Shqiptar të Zhvillimit të Diasporës” organizuan ditën e djeshme aktivitetin e ndarjes së çmimeve “Mendje Artët 2021” (Bright Minds – Albanian Awards Entrepreneurship).

Fjalën hyrëse e mbajti Kryetari i Dhomës së Biznesit të Diasporës, z.Ardian Lekaj, i cili falenderoj të gjithë bashkëpunëtorët për mundësimin e këtij aktiviteti. Gjithashtu akivitetin e nderoi me praninë e tij edhe Ministri i shtetit për Diasporës, z.Pandeli Majko.

Cmimi për investimin më të mirë të Diasporës u njoftua nga Ministri i Shtetit për Diasporën, z.Pandeli Majko i cili përgëzoi organizatoret dhe shprehu konsideratën për të gjithë të nominuarit, për idetë novatore në biznes, investimet e guximshme, shtrirjet në tregjet ndërkombëtare, aplikimin e teknologjisë së informacionit dhe çdo arritje ekonomike të tyre “made Albanian”.

Pjesë e eventit “Mendje Artët 2021” ishin shumë sipërmarrës të cilët ishin bërë pjesë e këtij konkursi dhe arritën të vlerësohen me çmimin simbolik.

Në këtë aktivitet u vlerësua me çmimin e rëndësishëm “Media e vitit” portali “Gazeta Diaspora Shqiptare”, për punën e përkushtuar në pasqyrimin e të gjitha lajmeve që lidhen me Diasporën shqiptare. Çmimin e tërhoqi drejtuesja e “Gazeta Diaspora Shqiptare”, Yllka Lezo. Drejtuesja Lezo falenderoi në mënyrë të veçantë mbi një milion lexues të gazetës në Diasporë që kanë mirëpritur këtë platformë dhe i besojnë çdo ditë për t’u informuar mbi gjithçka ndodh në Diasporë.

Në këtë aktivitet u promovuan dhe vlerësuan për arritjet e suksesshme gjatë periudhës së vështirë të pandemisë, risitë dhe idetë novatore në biznes, investimet e guximshme, efikasitetin e përshtatjes, shtrirjet në tregjet ndërkombëtare, aplikimin e teknologjisë së informacionit, ngritjen e standardeve e shumë arritje të tjera dhe jo vetëm shumë sipërmarrës, mes tyre dhe shumë të rinj.