“Mendësia” libri me të cilin mund të peshkoni suksesin

“Mendësia”, libri me të cilin mund të peshkoni suksesin


Shënime rreth librit “Mendësia” e Dr. Carol Dweck, përkthyer nga Dr. Valbona Nathanaili dhe botuar nga “Pema” në Prishtinë.

Businessmag do të sjellë në mënyrë periodike shënime të botimeve, të cilat ju ndihmojnë të shembni muret e mendjes, të zgjeroni horizontin, apo thjesht të merrni disa rregulla praktike për të qenë më të suksesshëm në çdo angazhim që keni ndërmarrë, apo planifikoni të nisni.

Shkruar nga Albert Gjoka, Bukinist

Nëse do të ndihmosh dikë, mos i dhuro peshq, por mësoje të peshkojë. Të njëjtën gjë mund të themi për të gjithë ata persona që duan të ndryshojnë diçka tek vetja e tyre, tek biznesi, në shkollë, në jetën bashkëshortore apo familjare: Pra, nëse duan të përmirësojnë menjëherë diçka në jetën e tyre, padyshim që duhet t’i kalojnë faqet e librit “Mendësia” të Carol Deeck, psikologe në univesitetin “Standford”, institucioni arsimor i listuar aktualisht në vendin e parë në botë.

Dr. Carol Dweck referohet gjerësisht si një nga kërkueset shkencore më të mira në botë në fushat e personalitetit, psikologjisë sociale dhe psikologjisë së zhvillimit. Ky rekomandim vjen natyrshëm sepse libri na fton të bëjmë një ndryshim brenda vetes, përmes ndryshimit të zakoneve tona të përditshme.

Kliko këtu për të blerë librin online.

Ne të gjithë jemi produkt i përvojave tona, të cilat, në shumicën e kohës, nuk na lënë të ecim përpara: Nëse nuk ke para mjaftueshëm, nëse nuk ke një diplomë të huaj apo lidhje të forta miqësore dhe politike, – sidomos në vende të tilla si Shqipëria, – je i falimentuar. Aq më tepër, ndikojnë shprehi tipike si “paraja shkon tek paraja”, “dardha bie nën dardhë”, “nuk ke lindur për këtë punë”, “ke lindur në fshat”, “nuk je dora jonë” e shumë e shumë fraza të tjera, të cilat na shfaqen si pengesa mendore dhe fizike në çdo çast, sapo duam të nisim një punë apo kur gjendemi përballë një sfide.

Lexoni: Libra n’plazh. Titujt që  sugjeron Bukinist

Ne jetojmë në një realitet të sunduar nga ajo që Dr. Dweck e quan “mendësia e ngurtë”, sepse nuk arrijmë të shkojmë përtej asaj që kemi provuar, apo asaj që dimë, si dhe nuk i kapërcejmë opinionet e të tjerëve për persona, ngjarje apo situata. Sipas psikologes, intelekti nuk është diçka e dhënë nga lart, por është një proces që zhvillohet në varësi të punës dhe mendësisë që ndërtojmë. Ajo propozon si zgjidhje “mendësinë e rritjes”, sepse procesi i nxënies është përherë një proces zbulimi.

Përmes shumë shembujve që jepen nga bota e sportit, bankat e shkollës, apo mjedisi i biznesit, në historitë e kampionëve, më të mirëve apo më të suksesshmëve, bëhet e ditur se dija është mjeti dhe secili prej nesh duhet të shpalosë më të mirën brenda vetes.

Lexoni: 5 librat që duhet të lexoni këtë verë, sipas Bill Gates

Pas çdo medalje apo suksesi ka një mal me punë dhe një lumë djersë. Të mësuarit kërkon punë dhe praktikim. Sado inteligjent që të jesh, nëse nuk e vë në punë trurin, nëse nuk djersin, mos prit rezultate. Fati të ndihmon atëherë kur do ai dhe jo atëherë kur do ti!! E, nëse dështon, dështimin kërkoje tek vetja. Por edhe nëse dështon, ky libër të orienton thjeshtë të mësosh prej dështimit.

Edhe fiziologjikisht, – sipas kërkimeve shkencore, truri është më i shëndetshëm kur vihet në punë. Afërmendsh, kur ne ushtrohemi gjërat bëhen më të lehta. Mendësia e rritjes është formula magjike dhe praktike që propozon dr. Dweck për këdo që do të përmirësojë diçka nga vetja: Kjo formulë vlen edhe për edukimin e fëmijëve, edhe për jetën në çift, edhe për arritjen e një suksesi, edhe për drejtimin e një bzinesi, dhe në shumë fusha të tjera. Në kohën tonë, aftësitë dhe talenti që zotërojmë janë të pamjaftueshme për të pasur sukses: Suksesi kushtëzohet nga mendësia që aplikojmë.

Shembujt e shumtë që vijnë në libër, na e thjeshtësojnë kuptimin e mendësisë së rritjes.

Bill Gates thotë: “Vlera e këtij libri shkon përtej sektorit formal të edukimit. Libri është i domosdoshëm edhe për sektorin e biznesit, i cili vazhdimisht është në përpjekje të kultivimit të talenteve të reja, po aq sa edhe për prindërit, në kërkim të metodave për të rritur fëmijë të aftë që të përballen me sfidat”.

Kliko këtu për të blerë librin online.

Brenda secilit prej nesh, gjenden të dyja mendësitë; edhe ajo e ngurtësimit, edhe e rritjes, por shikojini gjërat në një këndvështrim të ri, duke e pranuar mendësinë që keni, pa gjykuar, por thjeshtë duke vështruar së pari vetveten. Niseni rrugëtimin e ndryshimit të mendësisë duke i vënë një emër vetes tuaj, dhe nise udhëtimin së bashku me veten tënde. Edukoje personin tënd të brendshëm; ftoje të udhëtojë drejt mendësisë së rritjes. Dweck thotë se ndryshimi është i vështirë, por ia ka vlejtur për të gjithë ata që e kanë aplikuar.

“Ju takon juve të vendosni nëse në këto çaste ndryshimi është i duhuri. Por, mbani mend mendësinë e rritjes. Mund t’i riktheheni kurdoherë nëse përballeni me ndonjë pengesë. Do të jetë gjithmonë aty për t’ua treguar rrugën drejt së ardhmes(342)”.

Prandaj rekomandohet ky libër, jo thjeshtë si guidë vlerash në biznes, familje, jetën bashkëshortore apo në shkollë, por, se pëmban kleçka të zgjuara që e çojnë secilin prej nesh më shpejt drejt suksesit dhe vetërealizimit të dëshiruar.

 

 

 

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0