Petrit Beci, ka një karrierë të gjatë dhe kyçe në hallka të ndryshme të institucioneve në fushën e kinematografisë. Ai drejtoi për disa vite Kinostudion “Shqipëria e re” dhe më vonë ka drejtuar Qendrën Kombëtare të Kinematografisë. Ai ka dhënë një kontribut të veçantë në hartimin e Ligjit për Kinematografinë. Për 6 vite ai ishte Drejtor i Përgjithshëm i Radio Televizionit Shqiptar dhe më vonë drejtoi edhe disa televizione private në vend. Ai ka qenë gjithashtu edhe anëtar i Këshillit Miratues të Projekteve. Falë kësaj, Beci ka një panoramë të qartë se çfarë ka ndodhur me industrinë e kinematografisë për rreth 40 vite.
Ekonomikisht, kinematografia shqiptare është ndër industritë më të pa zhvilluara në vend. Sipas Beci-t, kjo ka ndodhur në mënyrë të qëllimshme, duke u dhënë hapësirë mediave dhe prodhimeve komerciale. “Ndër vite, buxheti për kinematografinë ka qenë minimalist në raport me numrin e popullsisë dhe prodhimin. Kemi një buxhet më të vogël se Kosova dhe Maqedonia e veriut dhe shteti e ka parë këtë nën presionin e mediave private”, thotë Beci.
Ndërsa kujton se kanë mbetur pak emra të mëdhenj të kinematografisë, që i përkasin brezit të vjetër, ai thekson se kineastët e rinj i gjen duke bërë punë të tjera, kryesisht në media.
Sot Qendra Kombëtare e Kinematografisë (QKK) ka një staf prej më pak se 10 veta dhe në mjedise shumë të kufizuara krahasuar me ato që kishte Kinostudio Shqipëria e Re. Të gjitha mjediset e saj janë privatizuar, duke i kaluar medias.
QKK financon projektet që miratohen nga Bordi i Vlerësimit të Filmave. Ky bord përbëhet nga tri të huaj dhe dy shqiptarë, duke shmangur kështu mundësinë për korrupsion.
Në vjeshtë pritet të miratohen disa amendamente, të cilat sipas kërkesave të kineastëve synojnë të rrisin buxhetin për kinematografinë dhe Qendrën Kombëtare të Kinematografisë. Filmi mund të miratohet në QKK nëse paraqiten minimumi një ose dy bashkëprodhues të huaj. Njëkohësisht, ai nuk financohet pa konkurruar në Euroimages, me qendër në Strasburg. Vetëm pas kësaj nisin procedurat e vlerësimit.
Sipas Becit, ndryshimet e kërkuara në ligj, synojnë të “aktivizojnë” tri pika, që nuk janë zbatuar deri më sot, duke e varfëruar më tej kinematografinë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English