Shefi i WhatsApp ka një mesazh për ata që kanë kërkuar një aplikacion për iPad: Mos humbni shpresat.
“Njerëzit kanë kërkuar një aplikacion për iPad për një kohë të gjatë.” Will Cathcart, kreu i WhatsApp tha për The Verge gjatë një interviste këtë javë lidhur me një nxitje të marketingut në SHBA për aplikacionin e mesazheve. “Ne do të donim ta realizonim.”
Ashtu si Instagram për iPad, një version i WhatsApp për tabletin e Apple u ka munguar prej kohësh përdoruesve, pavarësisht se është një veçori e kërkuar shumë prej tyre. Teksa Cathcart nuk do të shkonte aq larg sa të angazhohej në lançimin e një versioni iPad, komentet e tij sugjerojnë se është e mundur që diçka e tillë të ndërtohet në të ardhmen e afërt.
“Ne kemi bërë shumë punë në teknologjinë për mbështetjen e pajisjeve të shumta,” tha Cathcart. “Uebfaqja jonë dhe aplikacionet tona të desktopit tani e kanë atë. Nëse kam shumë pajisje të aktivizuara, mund ta fikim telefonin ose të humbas lidhjen me rrjetin dhe të marr mesazhe në desktop. Kjo do të ishte vërtet e rëndësishme për një aplikacion tableti, për të qenë në gjendje ta përdor aplikacionin edhe nëse telefoni nuk është i ndezur.”
Lexo edhe: WhatsApp së shpejti mund t’ju lejojë të transferoni bisedat tuaja nga Android në iOS
Për shkak të mënyrës se si WhatsApp i kodon mesazhet, historikisht nuk ka qenë në gjendje të sinkronizojë bisedat nëpër pajisje përmes internetit, siç funksionojnë shumica e aplikacioneve të tjera të mesazheve. Pra, nëse WhatsApp në telefonin tuaj nuk ka akses në internet, klienti i desktopit nuk funksionon. Versioni beta i mbështetjes për shumë pajisje ju lejon të sinkronizoni llogarinë tuaj WhatsApp në deri në katër pajisje në të njëjtën kohë, një proces që përfshin hartëzimin e identifikuesve të pajisjes në një çelës llogarie në serverët e WhatsApp në një mënyrë që është ende e koduar. Tani që ekziston një teknologji e tillë sinkronizimi, ka një shanse që WhatsApp për iPad të jetë më në fund i mundur.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
