WhatsApp është duke punuar në një opsion, i cili ju lejon të transferoni historinë tuaj të bisedave nga Android në iOS.
Veçoria u vu re për herë të parë në versionin më të fundit beta të WhatsApp 22.2.74 për iOS. Ky përditësim mund t’ju lejojë të transferoni bisedat tuaja në WhatsApp nga Android në iOS, duke përdorur aplikacionin “Move to iOS”.
WABetaInfo zbuloi gjithashtu disa pamje nga ekrani, që tregojnë se si mund të duket ky funksion. Duke gjykuar nga imazhet, duket se WhatsApp do të kërkojë leje përpara se të fillojë procesin e transferimit dhe më pas do t’ju udhëzojë të mbani aplikacionin të hapur dhe telefonin tuaj të shkyçur teksa transferoni bisedat tuaja.
Lexo edhe: WhatsApp sjell filtra të avancuara kërkimi
WhatsApp fillimisht nisi t’i lejonte përdoruesit të transferonin historitë e tyre të bisedave nga iOS në telefonat Samsung në Shtator. Më vonë zgjeroi funksionin për të mbështetur transferimet e bisedave nga iOS në Google Pixels dhe pajisje të tjera Android 12. Lejimi i përdoruesve të transferojnë bisedat e tyre nga Android në iOS do të mbyllte një qark të dukshëm, por mbetet e paqartë se cilat pajisje do të mbështesin funksionin e përfolur, si dhe kur (ose nëse) do të lançohet.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English