Mbyllja e hendekut: 2023 është viti i aftësive evropiane. Sektori i Teknologjisë ka ende nevojë për punonjës - Business Magazine Albania

Mbyllja e hendekut: 2023 është viti i aftësive evropiane. Sektori i Teknologjisë ka ende nevojë për punonjës

punonjësi

Evropa është buzë një krize për punëtorë të kualifikuar dhe ajo po rritet. Papunësia në BE është në nivelin më të ulët në histori, por më shumë se tre të katërtat e kompanive raportojnë vështirësi në gjetjen e punëtorëve me aftësitë përkatëse, sipas Komisionit Evropian.

Tranzicioni dixhital është vendi ku kjo mungesë aftësish është më e dukshme.

Në Evropë, Indeksi i Ekonomisë dhe Shoqërisë Dixhitale tregon se 40% e të rriturve dhe 1 në 3 punëtorë nuk kanë aftësi bazë dixhitale. Ekziston gjithashtu një hendek i rëndësishëm gjinor në profesionet dhe studimet që lidhen me teknologjinë – vetëm një në gjashtë specialistë të Teknologjisë së Informacionit dhe Komunikimit (TIK) dhe një në tre të diplomuar në shkenca, teknologji, inxhinieri dhe matematikë (STEM) janë gra.

Ekspertët thonë se objektivi i Dekadës Dixhitale prej 20 milionë specialistësh të TIK-ut të punësuar brenda BE-së deri në vitin 2030 do të përmbushet vetëm nëse financohen dhe zbatohen urgjentisht masa të gjera.

Madhësia e sfidës është e qartë dhe në fjalimin e saj të vitit 2022 për gjendjen e Unionit Europian, presidentja e Komisionit Evropian, Ursula von der Leyen, e bëri vitin 2023, Vitin Evropian të Aftësive për të rritur ndërgjegjësimin dhe për të fokusuar mendjet në nevojën për veprim kolektiv.

Lexo edhe: Si të mbani punonjësit në kohë të vështira

Motivimi i njerëzve për të zgjedhur disiplina dixhitale

Ata në sektorin e arsimit kanë frikë se largimet nga puna që kanë ndodhur së fundmi në kompanitë e mëdha teknologjike do të kenë një ndikim negativ në këto përpjekje, me më pak studentë të frymëzuar për të zgjedhur degët e Teknologjisë së Inforamcionit apo dicka tjetër dixhitale, siç ndodhi pas shpërthimit të flluskës Dot-com. në fillim të viteve 2000.

“Thjesht duhet të jemi të kujdesshëm që kjo të mos depërtojë në shkolla. Përndryshe, do të kemi një problem kur bëhet fjalë për mungesën e talenteve,” thotë Martin Hayes, profesor i teknologjive dixhitale dhe drejtues akademik në UL@ Iniciativa e punës në Universitetin e Limerick, Irlandë.

“Na duhen tre ose katër vjet për t’i sjellë të diplomuarit në treg dhe nëse nuk i kemi tani, nuk do t’i kemi në 2025 ose 2026,” tha ai për LinkedIn Neës Europe. “Është e rëndësishme të dërgohet mesazhi se të gjithë po kërkojnë të diplomuar me disiplina dixhitale”.

Për punëtorët që duan të përmirësojnë aftësitë në fusha të tilla si Inteligjenca Artificiale (AI), ICT dhe STEM, një nga zgjidhjet e mundshme që universitetet kanë filluar të ofrojnë janë mikrokredencialet. “Këto janë pjesë të shkurtra të të mësuarit të akredituar që mbështesin zhvillimin e aftësive, por mund të grumbullohen në një shpërblim të ardhshëm,” thotë Dr Sinéad Burke, menaxher i UL@Work. “Programet tona që janë të bashkë-dizenjuara dhe të bashkë-dorëzuara me industrinë, sigurojnë që njerëzit të fitojnë më shumë për sa i përket njohurive dhe aftësive përkatëse,” tha ajo për LinkedIn News Europe.

Por ato organizata që janë të përqendruara në mbrojtjen dhe rritjen e fuqisë së tyre punëtore duke mbyllur hendekun e aftësive do të duhet të investojnë tek njerëzit e tyre, dhe jo vetëm financiarisht, thotë Dr Burke.

“Ky angazhim për zhvillimin e vazhdueshëm profesional është një element kyç i strategjisë së menaxhimit dhe mbajtjes së talenteve të punëdhënësve. Kompanitë që u japin punonjësve kohë dhe hapësirë për t’u zhvilluar, do të korrin shpërblimet…stafi do të tërhiqet nga punëdhënësit që investojnë në përmirësimin e aftësive të punonjësve për të përmbushur biznesin e tyre”, thotë ajo./LinkedIn Europe 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0