Mblidhet juria e ICT Awards 7, 110 kandidatë në garë për çmimet e mëdha të teknologjisë - Business Magazine Albania

Mblidhet juria e ICT Awards 7, 110 kandidatë në garë për çmimet e mëdha të teknologjisë


Mbyllja e aplikimeve më 30 Mars dhe pas një maratone të gjatë takimesh informative në shkolla, universitete, qendra dhe hapësira inovacioni në Tiranë, Prishtinë, Shkup, Tetovë, Vlorë, Pejë, Prizren, Preshevë, Lezhë, Ferizaj dhe Mitrovicë i hapi rrugë takimit të parë të jurisë në kuadër të edicionit të 7-të të ICT Awards.

Juria e përbërë prej 13 anëtarësh u mblodh ditën e djeshme, 31 Mars, në ambientet e laboratorit multifunksional dhe hapësirës së inovacionit ICTSlab. Me anëtarë që vijnë nga mbarë trevat shqiptare juria e ICT Awards do të funksionojë e pavarur, e pandikuar dhe në mënyrë strikte, e bazuar në vlerësimet e kritereve të vendosura profesionale.

Lexoni: Hapet edicioni i shtatë i ICT Awards, me panelin e përbërë nga fëmijë

Prej shtatë vitesh, juria e Albanian ICT Awards ka administruar dhe vlerësuar mbi 1000 projekte dhe aplikime të ndryshme në të gjitha kategoritë, ndërsa mbi 150 projekte të ndryshme, juria e ICT Awards i ka analizuar dhe vlerësuar deri në detajet më të vogla.

Juria e këtij edicioni do të ketë në përbërje emra të vjetër pjesë e kësaj gare në disa edicione, por edhe të rinj si: Prof. Asoc. Dr. Alda Kika, Altin Petre, Azir Aliu, Bardha Qirezi, Edison Sinani, Edlira Martiri, Edmond Hajrizi, Erion Serti, Gjergji Guri, Dr. Ilir Çapuni, Linda Shomo, Muhedin Nushi dhe Visar Jasiqi.

Në takimin e tyre të parë juria firmosi Deklaratën e Konfidencialitetit dhe Rregulloren e ICT Awards. Ajo u njoh më nga afër me të gjitha aplikimet dhe kandidatët e mbërritura në ICT Awards.

Gjithashtu me unanimitet të plotë juria përzgjodhi Kryetar Dr. Ilir Çapunin, i cili ka qenë edhe edicionet e kaluara pjesë e saj si zëvendës kryetar dhe anëtarë i jurisë. Ai mban titullin e doktorit të shkencave dhënë nga Universiteti Boston në 2012.

Zëvendës Kryetare u përzgjodh Prof. Asoc. Dr. Alda Kika e cila shërben si pedagoge pranë Departamentit të Informatikës, Fakulteti i Shkencave të Natyrës në Universitetin e Tiranës prej vitit 2001.

Anëtarët e jurisë janë një trupë plotësisht e pavarur nga organizatorët e kësaj gare dhe e angazhuar vullnetarisht me rregullore strikte. Çdo vit përfaqësohet nga profile të ndryshme të shoqërisë, përfaqësues institucionesh publike, universitete, njerëz të shkencës, biznesit, ekspertë, brenda dhe jashtë kufijve kombëtarë.

Takimi vijoi me diskutime dhe shqyrtime të kritereve të garës. Gjithashtu u vendos që më 20 Prill juria të udhëtojë drejt Prishtinës ku do të dëgjojë më nga afër listën e ngushtë të kandidatëve që do të ftohen për të prezantuar projektet e tyre nga Kosova dhe Maqedonia. Takimi tjetër për kandidatët e listës së ngushtë ardhur nga Shqipëria do të mbahet më 21 Prill në Tiranë.

Edicioni i 7-ës i Albanian ICT Awards u hap zyrtarisht më 6 Shkurt. Prej më shumë se një muaji u organizuan rreth 25 takime me nxënës, studentë, profesionistë dhe të pasionuar të botës së teknologjisë në mbarë trevat shqipfolëse. Deri në mbyllje të aplikimeve pranë stafit të ICT Awards mbërritën plot 110 aplikime në shtatë kategoritë:  ICT Inovacioni i VititICT Mobiliteti i Vitit, ICT Diploma e VititICT Ylli në NgritjeGruaja në ICTICT Shërbimi Publik i Vitit dhe Cyber Security.

Lexoni: ICT Awards në vitin e shtatë në kërkim të gjurmëve inovatore

Gjashtë vite rrugëtim, ICT Awards tashmë është shndërruar një tempull inovacioni ku shqiptarët mblidhen çdo vit për të gjetur kurajon dhe mbështetjen e çmuar e një komuniteti që flet kreativitet dhe produktivitet.

E startuar në 2012-ën kjo garë me shpejtësi rrëmbeu vëmendjen dhe zemrat e novatorëve shqipfolës që jetojnë në Shqipëri, diasporë apo edhe më gjerë. ICT Awards shërbeu për shumë prej tyre si pikënisje e një suksesi tashmë të njohur dhe vlerësuar nga shumë shqiptarë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0