Një plan investimi për infrastrukurën e nevojshme për automjetet elektrike është parashikuar nga qeveria shqiptare. Agjencia për Eficiencën e Energjisë ka hapur tenderin për instalimin e karikuesve për makinat elektrike, në disa qytete turstike e pika kufitare. Vlera e këtij investimi është parashikuar mbi 83 milionë lekë dhe përfshin instalimet në qytete si: Sarandë, Vlorë, Korçë, Durrës Elbasan dhe në pikat kufitare: Hani i Hotit, Kakavijë, Vlorë dhe Durrës.
Përmes këtij investimi, synohet të rritet mundësia e investimit në automjete elektrike dhe njëkohësisht të ulet emetimi i dioksidit të karbonit.
Aktualisht në vendin tonë, transporti rrugor është një nga burimet kryesore të ndotjes së ajrit.
Lexo: Vjen për herë të parë në Shqipëri Panairi “Future2Tech 2023”
Detyrimi për uljen e ndotjes vjen edhe nga Plani Kombëtar i Veprimit për Energjinë dhe Klimën për transportin. Sipas këtij plani, deri në vitin 2025 duhet të instalohen mbi 200 stacione karikimi.
Vendi ynë është ende larg objektivit europian, i cili parashikon që duke nisur nga 2030 nuk do të prodhojë më mjete me motor me djegie.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
